Mallikarjun Kharge : काँग्रेसचे राष्ट्रीय अध्यक्ष मल्लिकार्जुन खर्गे (Mallikarjun Kharge) यांनी गुरुवारी पंतप्रधान नरेंद्र मोदी (PM Narendra) यांच्यावर केलेल्या आक्षेपार्ह वक्तव्याबाबत स्पष्टीकरण दिले. खरे तर कर्नाटकातील कलबुर्गी येथे एका जाहीर सभेला (Karnataka Elections) संबोधित करताना खर्गे यांनी पंतप्रधान मोदींवर आक्षेपार्ह टिप्पणी केली होती.
माझ्या वक्तव्यामुळे कोणी दुखावले गेले असेल, त्याचा चुकीचा अर्थ काढला गेला असेल आणि कोणी दुखावले गेले असेल, तर त्याबद्दल मी खेद व्यक्त करेन, असे काँग्रेस अध्यक्ष म्हणाले.
खर्गे म्हणाले, “आमच्यात वैचारिक मतभेद आहेत. आरएसएस-भाजपची विचारधारा विषारी आहे, पण त्याची तुलना पंतप्रधानांशी करत मी त्यांच्याबद्दल भाष्य केल्याचा दावा त्यांनी केला. कोणत्याही व्यक्तीबद्दल बोलण्याचा किंवा कुणाला दुखवण्याचा माझा हेतू नव्हता.
पंतप्रधान मोदींबद्दल आक्षेपार्ह वक्तव्य केल्याने खर्गे यांच्यावर चौफेर टीका झाली होती. सोनिया गांधी यांनी केलेल्या मौत का सौदागर या टिप्पणीशी तुलना करून भाजपने प्रत्युत्तर दिले. मात्र, नंतर खर्गे यांचा खुलासाही समोर आला.
ही टिप्पणी पंतप्रधान मोदींसाठी नसून भाजपच्या विचारसरणीसाठी असल्याचे खर्गे यांनी म्हटले होते.पंतप्रधान मोदींसाठी मी वैयक्तिकरित्या असे कधीच बोललो नाही असे ते म्हणाले होते.
भाजप आक्रमक
केंद्रीय अर्थमंत्री निर्मला सीतारामन म्हणाल्या की, खरगे यांचे असे वक्तव्य काँग्रेसची मानसिकता दर्शवते. एकीकडे राहुल गांधी प्रेमाचे दुकान उघडण्यासाठी भारत जोडो करतात तर दुसरीकडे त्यांच्या पक्षाचे अध्यक्ष देशाचे पंतप्रधानांबद्दल असे शब्द वापरतात.
केंद्रीय मंत्री स्मृती इराणी म्हणाल्या की, आज ते कोणत्या प्रकारचे विष ओकत आहेत हे देश पाहत आहे. काँग्रेस नेत्याने पंतप्रधान मोदींवर अपमानास्पद टिप्पणी करण्याची ही पहिलीच वेळ नाही. अशा शेरेबाजीने त्यांनी कर्नाटक निवडणुकीत काँग्रेसचा पराभव निश्चित केला आहे.
दरम्यान, कर्नाटकातील कलबुर्गी येथे आयोजित जाहीर सभेत खर्गे यांनी पंतप्रधान मोदी यांच्यावर टीका करतात मोदी हे विषारी साप आहेत, असे शब्द वापरले होते. यावरूव भाजप नेते खवळले. तसेच नागरिकांनीही सोशल मीडियावर काँग्रेसवर टीकेची झोड उठविली. हा वाद वाढत असल्याचे लक्षात येताच तसेच निवडणुकीत याचा फटका बसू शकतो याचा अंदाज आल्याने काँग्रेस अध्यक्ष खर्गे यांनी दिलगिरी व्यक्त करत या प्रकरणावर पडदा टाकण्याचा प्रयत्न केला.
