मलिंगाने केला आवाहन अन् “या’ खेळाडूने 10 दिवसांत घेतला यू-टर्न

 मुंबई –  श्रीलंकेचा क्रिकेटपटू भानुका राजपक्षे (Bhanuka Rajapakse) याने निवृत्तीचा निर्णय मागे घेतला आहे. 8 दिवसांपूर्वी राजपक्षे यांनी कुटुंबासोबत वेळ घालवण्याचे कारण देत निवृत्तीचा निर्णय घेतला होता. राजपक्षेने अचानक निवृत्ती घेतल्याने त्याची सोशल मीडियावर खूप चर्चा झाली होती. मात्र, आता राजपक्षे यांनी निवृत्तीतून पुनरागमन करण्याचा निर्णय घेतला आहे. ( Malinga’s appeal The other player took a U-turn in 10 days)

क्रिकेट श्रीलंकेने ही याला दुजोरा दिला आहे. भानुका राजपक्षेने  ३ जानेवारी रोजी निवृत्ती जाहीर केली होती. त्यावेळी त्याने  श्रीलंकन ​​क्रिकेट बोर्डाला एक पत्र लिहिले होते, ज्यामध्ये त्याने म्हटले होते की, ‘एका खेळाडूने पती आणि पितृत्व या आपल्या पदाचा अतिशय काळजीपूर्वक विचार करून आणि कौटुंबिक जबाबदाऱ्या लक्षात घेऊन हा निर्णय घेतला आहे.

राजपक्षेने आपल्या कारकिर्दीत आतापर्यंत 18 एकदिवसीय सामन्यांमध्ये 320 धावा आणि टी-20 क्रिकेटमधील 5 सामन्यात 89 धावा केल्या आहेत. 2021 च्या T20 विश्वचषकात, राजपक्षे आठ सामन्यात 155 धावा करून श्रीलंकेसाठी तिसरा सर्वाधिक धावा करणारा फलंदाज ठरला होता. निवृत्तीच्या निर्णयानंतर भानुका राजपक्षेने माजी दिग्गज गोलंदाज लसिथ मलिंगाशी (Malinga) चर्चा केली होती.

राजपक्षे यांच्याबद्दल ट्विट करून त्यांना त्यांच्या निर्णयावर पुनर्विचार करण्यास सांगितले होते. मलिंगाने आपल्या ट्विटमध्ये लिहिले की, ‘आंतरराष्ट्रीय स्तरावर आपल्या देशाचे प्रतिनिधित्व करणे सोपे काम नाही आणि खेळाडूंना नेहमीच अनेक आव्हानांचा सामना करावा लागतो. मला विश्वास आहे की भानुकाकडे श्रीलंकन ​​क्रिकेटला देण्यासारखे बरेच काही आहे आणि मी त्याला विनंती करतो की त्याने आंतरराष्ट्रीय क्रिकेटमधून निवृत्ती घेण्याच्या निर्णयावर पुनर्विचार करावा.( Malinga’s appeal The other player took a U-turn in 10 days)