महिला आशियाई चषकसाठी भारताचा संघ जाहीर माञ कर्णधाराच्या नावावर सस्पेन्स

मुंबई – यजमान भारताने AFC महिला आशिया कप फुबॉलसाठी (AFC Women’s Asia Cup Football) 23 जणांचा संघ जाहीर केला आहे. गेल्या महिन्यात ढाका येथे झालेल्या अंडर-19 SAIF चॅम्पियनशिपमध्ये (Under-19 SAIF Championship) उपविजेते ठरलेल्या संघाच्या चार सदस्यांचा यात समावेश आहे.(Suspense over the name of India’s captain for the Women’s Asian Cup)

अखिल भारतीय फुटबॉल महासंघाने (AIFF) कर्णधाराचे नाव जाहीर केले नसले तरी अनुभवी आशालता देवी यांच्याकडे कर्णधारपद सोपवले जाण्याची शक्यता आहे. ही स्पर्धा 20 जानेवारी ते 6 फेब्रुवारी दरम्यान महाराष्ट्रातील तीन ठिकाणी होणार आहे.

1980 नंतर प्रथमच भारत उपखंडातील सर्वात मोठ्या स्पर्धेचे आयोजन करत आहे. 2023 फिफा विश्वचषक स्पर्धेत कोटा स्थान मिळवण्याकडे भारताचे लक्ष आहे. ऑस्ट्रेलिया आणि न्यूझीलंडमध्ये (Australia and New Zealand) होणाऱ्या विश्वचषकात स्थान मिळवण्यासाठी भारताला पहिल्या पाचमध्ये स्थान मिळवावे लागेल. भारताला अ गटात इराण, चायनीज तैपेई आणि चीनसोबत ठेवण्यात आले आहे.

संघ:
गोलरक्षक : अदिती चौहान, एम लिंथोइंगम्बी देवी, सौम्या नारायणसामी.
बचावपटू : दालिमा छिब्बर, स्वीटी देवी, रितू राणी, एल आशालता देवी, मनीषा पन्ना, हेमाम शिल्की देवी, संजू यादव.
 मिडफिल्डर:  कमला देवी, अंजू तमांग, कार्तिक ए, एन रतनबाला देवी, नौरेम प्रियांका देवी, इंदुमती काथिरेसन.

 फॉरवर्ड : मनीषा कल्याण, ग्रेस डांगमेई, प्यारी शाशा, रेणू, सुमती कुमारी, संध्या रंगनाथन, एम बालमुरुगन(Suspense over the name of India’s captain for the Women’s Asian Cup)