Please wait..
Take a fresh look at your lifestyle.

इंधन दरवाढ कमी करण्यासाठी पीएम मोदींनी ‘त्या’ राज्यांना केले आवाहन.. जाणून घ्या, महत्वाची माहिती..

दिल्ली : केंद्र सरकारने पेट्रोल आणि डिझेलवरील केंद्रीय उत्पादन शुल्कात कपात केल्यानंतरही मूल्यवर्धित कर (व्हॅट) कमी न केल्याने पंतप्रधान नरेंद्र मोदी यांनी काही राज्यांच्या कारभारावर टीका केली आहे. गेल्या सहा महिन्यांत जादा व्हॅट आकारून या राज्यांनी मिळवलेल्या उत्पन्नाचा तपशील देताना, पंतप्रधानांनी ते त्वरित कमी करण्याचे आवाहन केले. राज्यांनी पंतप्रधानांचा आदेश मानला तर तेथील नागरिकांना पेट्रोल आणि डिझेलच्या वाढत्या किमतीपासून दिलासा मिळू शकतो.

Advertisement

प्रमुख विरोधी पक्ष काँग्रेसने केंद्र सरकार आपल्या बाजूने पेट्रोलियम उत्पादनांवर जादा शुल्क आकारत असल्याचा आरोप केला आहे. मागील वर्षात सरकारने पेट्रोलवर प्रति लिटर 5 रुपये आणि डिझेलवर 10 रुपये प्रति लिटर कपात केली होती. यानंतर भाजपशासित अनेक राज्यांसह दिल्ली आणि पंजाब या राज्यांनीही व्हॅट दरात कपात करून जनतेला दिलासा देण्याचे काम केले. मात्र, तामिळनाडू, महाराष्ट्र, बंगाल, तेलंगणा, आंध्र प्रदेश, केरळ आणि झारखंडने कर कमी करण्यास नकार दिला.

Advertisement

केंद्र सरकारच्या आकडेवारीवरून असे दिसून येते, की ज्या राज्यांनी शुल्क कमी केले त्यांना 23,265 कोटी रुपयांचे अतिरिक्त नुकसान झाले, तर ज्या राज्यांनी शुल्क कपात केली नाही त्यांना 12,441 कोटी रुपयांचे अतिरिक्त उत्पन्न मिळाले. काही राज्यांनी पेट्रोल आणि डिझेलवरील व्हॅट कमी न करणे हे सहकारी संघराज्याच्या भावनेविरोधात आहे. ते म्हणाले की, मी कोणत्याही राज्य सरकारला दोष देत नाही, तर व्हॅट तात्काळ कमी करण्याची विनंती करत आहे.

Loading...
Advertisement

पेट्रोल आणि डिझेलवरील केंद्रीय उत्पादन शुल्कातून केंद्र सरकारला मिळणाऱ्या महसूलापैकी 42 टक्के वाटा राज्यांना पाठवला जात असल्याचेही पंतप्रधानांनी स्पष्ट केले. पंतप्रधान म्हणाले, की ‘आता तुम्हीही व्हॅट कमी करून तुमच्या राज्यातील नागरिकांना दिलासा द्यावा.’ कोरोना संसर्गाची वाढती प्रकरणे पाहता परिस्थितीचा आढावा घेण्यासाठी आयोजित मुख्यमंत्र्यांच्या बैठकीत पंतप्रधानांनी काही राज्यांमध्ये पेट्रोल आणि डिझेलच्या वाढत्या किमतीचा मुद्दा उपस्थित केला. खर्चिक पेट्रोल आणि डिझेलमुळे महागाई वाढण्याचा धोका अनेक तज्ज्ञ आणि आर्थिक संस्थांनी व्यक्त केलेला असताना आता पंतप्रधानांनीही हा मुद्दा उपस्थित केला आहे.

Advertisement

अधिकारी- कर्मचाऱ्यांच्या पदोन्नतीबाबत मोठा निर्णय, मोदी सरकारचे राज्य सरकारला पत्र..!

Advertisement

तेल कंपन्यांनी जारी केले नवीन दर.. पहा, पहिल्याच दिवशी पेट्रोलचे भाव वाढले की घटले..

Advertisement
Advertisement

Leave a Reply