Please wait..
Take a fresh look at your lifestyle.

आधी दिले डिझेल, आता देणार तीन लाख टन तांदूळ.. पहा, कोणत्या देशाची मदत करतोय भारत..

दिल्ली : आर्थिक संकटात सापडलेल्या श्रीलंकेत आज परिस्थिती अत्यंत भीषण बनली आहे. या देशात सध्या अराजकतेचे वातावरण आहे. महागाई प्रचंड वाढली आहे. खाद्यपदार्थांचा मोठा दुष्काळ आहे. खाद्य पदार्थांचे प्रचंड वाढले आहे. इंधन मिळत नाही. वीज पुरवठाही होत नाही. अशा परिस्थितीमुळे लोकांचा संताप अनावर होत आहे. देशात ठिकठिकाणी सरकारविरोधात निदर्शने होत आहे. या देशाला सध्या तातडीने मदतीची गरज आहे. भारताचा शेजारी देश असल्याने या संकटाच्या काळात मदत करण्याचा निर्णय भारताने घेतला आहे. भारताने श्रीलंकेला एक अब्ज डॉलरची क्रेडिट लाइन मंजूर केली आहे. कोट्यावधी लिटर डिझेल पुरवठा केला आहे. त्यानंतर आता तातडीने तांदळाचा पुरवठा केला जाणार आहे.

Advertisement

भारतीय व्यापाऱ्यांनी तब्बल 40 हजार टन तांदूळ श्रीलंकेत पाठवायला सुरुवात केली आहे, असे दोन अधिकाऱ्यांनी शनिवारी सांगितले. या क्रेडिट लाइन अंतर्गत भारताकडून श्रीलंकेला दिलेली ही पहिली मोठी अन्न मदत असेल. खरे तर, मुख्यतः आयातीवर अवलंबून असलेल्या श्रीलंकेचा परकीय चलनसाठा गेल्या दोन वर्षांत 70 टक्क्यांनी घसरला आहे. 2.2 कोटी लोकसंख्या असलेला हा देश आयात केलेल्या वस्तूंसाठी पैसे देऊ शकत नाही आणि त्याचे चलनही घसरले आहे. इंधन पुरवठा तर खूप कमी झाला आहे, त्यामुळे देशात 13-13 तास वीज खंडित होत आहे. या परिस्थितीत श्रीलंकेने आंतरराष्ट्रीय नाणेनिधीकडून मदत घेण्याची तयारी केली आहे.

Advertisement

अन्नधान्याच्या वाढत्या किमती आणि पायाभूत सुविधांचा अभाव यामुळे श्रीलंकेत अस्थिरता निर्माण झाली आहे. अशा परिस्थितीत भारत, जगातील सर्वात मोठा तांदळाच्या सर्वात मोठ्या निर्यातदार देशाने गेल्या महिन्यात श्रीलंकेला इंधन, अन्न आणि औषधांसह जीवनावश्यक वस्तू देण्यासाठी $ 1 अब्ज क्रेडिट लाइन (कर्ज सहाय्य) देण्यास सहमत आहे. याआधी भारताने 50 कोटी डॉलर क्रेडिट लाइन अंतर्गत शनिवारी श्रीलंकेला 40,000 मेट्रिक टन डिझेल वितरित केले होते. यामुळे श्रीलंकेच्या ऊर्जेच्या गरजा पूर्ण करण्यात मदत होईल. तर तांदूळ 40,000 टनांपर्यंत पोहोचल्यानंतर त्याची किंमत कमी होण्यासही मदत होऊ शकते. भारत श्रीलंकेला एकूण तीन लाख टन तांदूळ पुरवठा करणार आहे.

Loading...
Advertisement

राष्ट्रपती गोटाबाया राजपक्षे यांच्या विरोधात श्रीलंकेत अनेक दशकांतील सर्वात वाईट आर्थिक संकट सुरू आहे. लोकांनी निदर्शने सुरू केली आहेत. राजपक्षे यांनी राजीनामा देण्याची मागणी नागरिक करत आहेत. अशा स्थितीत राजपक्षे यांनी अराजकतेच्या शक्यतेमुळे शुक्रवारपासून देशात सार्वजनिक आणीबाणी जाहीर केली. श्रीलंकेच्या राष्ट्रपती कार्यालयाने जारी केलेल्या निवेदनात म्हटले आहे की, देशातील कायदा व सुव्यवस्था राखण्यासाठी आणि जीवनावश्यक वस्तू पुरवठा सुरू ठेवण्यासाठी हा निर्णय घेणे आवश्यक होते.

Advertisement

भारत ‘या’ देशाला पुन्हा देणार 40 हजार टन डिझेल; पहा, कोणता देश सापडलाय मोठ्या संकटात..

Advertisement
Advertisement

Leave a Reply