Take a fresh look at your lifestyle.

Gold Price : आज सोन्याच्या दरात वाढ, चांदीच्या दरात मात्र कपात.. जाणून घ्या, नवीन भाव..

दिल्ली : आज आर्थिक वर्षाच्या पहिल्याच दिवशी सोन्याच्या किंमतीत वाढ झाली आहे. चांदीचे दर मात्र कमी झाले आहेत. दहा ग्रॅम सोन्याचा दर 51,812 रुपयांवर पोहोचला आहे, तर एक किलो चांदीचा दर कमी झाला आहे. आता तो 67,047 रुपयांपर्यंत पोहोचला आहे. एचडीएफसी सिक्युरिटीजने ही माहिती दिली आहे.

Advertisement

दिल्ली सोने मार्केटमध्ये शुक्रवारी सोन्याचा भाव प्रति 10 ग्रॅम 100 रुपयांनी कमी होऊन 51,812 रुपये प्रति 10 ग्रॅमवर ​​बंद झाला. गेल्या ट्रेड सत्रात दिल्ली मार्केटमध्ये सोने 51,712 रुपये प्रति 10 ग्रॅमवर ​​बंद झाले होते. चांदीचा भाव 252 रुपयांनी घसरल्यानंतर 67,047 रुपये प्रति किलोवर बंद झाला. गेल्या व्यापार सत्रात चांदीचा भाव 67,299 रुपये प्रति किलोवर बंद झाला होता.

Advertisement

याआधी बुधवारी सुद्धा सोन्या-चांदीच्या दरात तेजी आली होती. मल्टी कमॉडिटी एक्सचेंजमध्ये सोन्याचा भाव 0.45 टक्क्यांनी वाढून 51,518 रुपये प्रति दहा ग्रॅम झाला होता, तर चांदीचा भाव 0.21 टक्क्यांनी वाढला होता. यानंतर चांदीचा भाव 67,085 रुपये प्रति किलोवर पोहोचला होता.

Advertisement

दरम्यान, चालू आर्थिक वर्षाच्या पहिल्या 11 महिन्यांत (एप्रिल-फेब्रुवारी) देशाची सोन्याची आयात 73 टक्क्यांनी वाढून $45.1 अब्ज झाली आहे. मागणी जास्त असल्याने सोन्याची आयात वाढली आहे. यासह, मागील आर्थिक वर्षाच्या याच कालावधीत सोन्याची आयात $26.11 अब्ज होती. सध्याच्या काळात सोन्या चांदीते भाव सारखे बदलत आहेत. त्यामुळे गुंतवणूकदारही संभ्रमात पडले आहेत. रशिया युक्रेन युद्ध, महागाई आणि अन्य घटकांचा सोन्या चांदीच्या दरावर परिणाम होत असल्याचे स्पष्ट दिसून येत आहे. आगामी काळात सोन्याचे भाव आणखी वाढणार असल्याचा अंदाज तज्ज्ञांनी व्यक्त केला आहे.

Advertisement

चार दिवसांनंतर बदलला ट्रेंड.. आज सोने-चांदी पुन्हा चमकले..! खरेदीआधी चेक करा नवीन भाव..

Advertisement
Advertisement

Leave a Reply