Please wait..
Take a fresh look at your lifestyle.

रशियावर कठोर निर्बंध..! भारत ‘हा’ मोठा निर्णय घेण्याच्या तयारीत; पहा, कसा होणार फायदा..

दिल्ली : युक्रेनवरील हमल्यानंतर अमेरिकेसह अनेक पाश्चात्य देशांनी रशियावर कठोर आर्थिक निर्बंध लादले आहेत. अमेरिकेने रशियन तेलाच्या आयातीवर बंदी घातली आहे. अशा परिस्थितीत रशिया आपले कच्चे तेल विकण्यासाठी धडपडत आहे. अशा परिस्थितीत रशियाने आपला मित्र देश भारताबरोबर संपर्क साधला होता. याबाबत भारतीय अधिकाऱ्यांचे म्हणणे आहे की, सरकार रशियाकडून कच्चे तेल आणि इतर वस्तू सवलतीच्या दरात खरेदी करण्याचा विचार करत आहे. दोन भारतीय अधिकाऱ्यांनी सांगितले की, रशियाने रुपया-रुबलमध्ये व्यवहार करण्याचे म्हटले आहे.

Advertisement

भारत आपल्या गरजेच्या 80 टक्के तेल आयात करतो. त्यापैकी रशियाकडून आतापर्यंत केवळ 2 ते 3 टक्के तेल खरेदी करण्यात आली आहे. पण एकीकडे युक्रेनच्या संकटानंतर जगात कच्च्या तेलाच्या किमती 40 टक्क्यांपर्यंत वाढल्या आहेत, तर दुसरीकडे रशियाला कच्चे तेल स्वस्तात विकावे लागत आहे. युक्रेन संकटामुळे कच्च्या तेलाच्या महागाईत झालेल्या वाढीचा परिणाम होऊ नये, अशी केंद्र सरकारची इच्छा आहे. या रणनीतीमुळे ते रशियाकडून स्वस्त तेल खरेदी करण्याची योजना तयार करत आहे. यामुळे सरकारला महागाईच्या काळात तेलावरील खर्च मर्यादित ठेवण्यास मदत होईल.

Advertisement

केंद्र सरकारच्या एका अधिकाऱ्याने सांगितले की, “रशियाकडून तेल आणि इतर गोष्टी मोठ्या सवलतीत दिल्या जात आहेत. आम्हाला ते खरेदी करण्यात कोणतीही अडचण नाही. मात्र टँकर, विमा संरक्षण यासह अनेक गोष्टींकडे लक्ष देणे आवश्यक आहे. एकदा या समस्यांचे निराकरण झाले की, आम्ही खरेदीबाबत आणखी पुढील कार्यवाही करू. निर्बंधांनंतर जगातील अनेक देशांनी रशियाकडून तेल खरेदी करण्यास नकार दिला आहे. मात्र या निर्बंधांचा आयातीवर परिणाम होणार नसल्याचे भारतीय अधिकाऱ्यांचे म्हणणे आहे. अधिकाऱ्याने सांगितले की, सध्या रुपया-रुबलमधील व्यापारासाठी यंत्रणा तयार केली जात आहे.

Loading...
Advertisement

तथापि, रशियाकडून किती तेल दिले जात आहे आणि किती सवलत दिली जात आहे हे सांगण्यास दोन्ही अधिकाऱ्यांनी नकार दिला. या संदर्भात केंद्र सरकारकडून अद्याप कोणतीही अधिकृत प्रतिक्रिया आलेली नाही. पाश्चात्य देशांनी लादलेल्या निर्बंधांदरम्यान रशियाने मित्र देशांना व्यापार आणि गुंतवणूक सुरू ठेवण्याचे आवाहन केले आहे. भारत रशियाचा जुना मित्र देश आहे. आणि संयुक्त राष्ट्रात रशियाच्या विरोधात मतदानावेळी भारताने मात्र या मतदानात भाग घेतला नाही.

Advertisement

पाकिस्तान-चीनलाही बसणार ‘चेकमेट’; पहा रशियाने काय ऑफर दिलीय भारताला..!

Advertisement

आर्थिक निर्बंधांनी केले हैराण..! अखेर रशियाने भारताकडे मदत मागितलीच.. पहा, काय केलेय आवाहन..?

Advertisement
Advertisement

Leave a Reply