वाव.. फक्त एक हजार रुपयांत मिळतोय ‘हा’ दमदार स्मार्टफोन; पहा, कुणी सुरू केलीय भन्नाट ऑफर..?
मुंबई : 8GB पर्यंत रॅम असलेल्या Poco च्या नवीन स्मार्टफोन Poco M4 Pro 4G ची विक्री सुरू झाली आहे. हे फ्लिपकार्टवर मोठ्या डिस्काउंटसह विक्रीसाठी उपलब्ध आहे. पण तुम्हाला माहित आहे का तुम्ही हा फोन फक्त 1000 रुपयांना खरेदी करू शकता. होय, अशीच एक खास ऑफर आहे. ज्याद्वारे तुम्ही फक्त एक हजार रुपयांत हा दमदार स्मार्टफोन खरेदी करू शकता. ही ऑफर नेमकी काय आहे, याबाबत माहिती घेऊ या..
खरे तर, पोकोने 28 फेब्रुवारी रोजी हा स्मार्टफोन देशात लाँच केला. Poco च्या या नवीन 4G स्मार्टफोनमध्ये 90Hz च्या रिफ्रेश दरासह 6.43 इंच AMOLED डिस्प्ले आहे. हा स्मार्टफोन तीन वेगवेगळ्या स्टोरेज कॉन्फिगरेशनमध्ये लाँच केला गेला आहे. Poco M4 Pro च्या बेस 6GB+64GB व्हेरियंटची किंमत 14,999 आहे, 6GB+128GB व्हेरियंटची किंमत 16,499 आहे आणि 8GB+128GB व्हेरिएंटची किंमत 17,999 आहे. हा फोन फ्लिपकार्टवर दोन रंगात उपलब्ध आहे.
हा स्मार्टफोन फ्लिपकार्टवर HDFC बँक क्रेडिट, क्रेडिट EMI आणि डेबिट कार्ड नॉन EMI व्यवहारांसह 1000 रुपये इन्स्टंट डिस्काउंट, Flipkart Axis Bank क्रेडिट कार्डवर 5% अमर्यादित कॅशबॅक आणि 624/महिना EMI उपलब्ध आहे. पण थांबा ऑफर इथेच संपत नाही. वास्तविक, फोनच्या 6GB + 64GB व्हेरिएंटवर 13,950 पर्यंत, 6GB + 128GB व्हेरियंटवर 14,800 पर्यंत आणि 8GB + 128GB व्हेरियंटवर 14,800 रुपयांपर्यंत एक्सचेंज बोनस मिळत आहे.
म्हणजेच, जुन्या फोनवर पूर्ण एक्सचेंज बोनसची रक्कम उपलब्ध असल्यास 6GB + 64GB व्हेरिएंट फक्त 1,049 रुपयांमध्ये, 6GB + 128GB व्हेरिएंट फक्त 1,699 मध्ये आणि 8GB + 128GB व्हेरिएंट फक्त 3,199 मध्ये खरेदी करता येईल.
दरम्यान, फेब्रुवारी आणि मार्चमध्ये अनेक कंपन्यांनी नवीन स्मार्टफोन लाँच केले आहेत. देशभरात स्मार्टफोन्सना मागणी वाढत चालली आहे. त्यामुळे कंपन्याही सातत्याने नवीन स्मार्टफोन लाँच करत असतात. आता तर या स्मार्टफोनवर कंपन्यांनी अनेक फायदेशीर योजना सुरू केल्या आहेत.
वाव.. आणखी एका कंपनीचा दमदार स्मार्टफोन घेणार एन्ट्री; पहा, काय आहेत एकदम खास फिचर..