Please wait..
Take a fresh look at your lifestyle.

छे.. कसला आलाय महागाई झटका..! पहा कारच्या मार्केटमध्ये नेमके काय घडलेय करोना काळात

मुंबई : एकीकडे करोना काळातील आर्थिक झटके आणि त्यामुळे गरिबांचे अजूनही होणारे हाल चर्चेत आहेत. तर महागाई वाढत असल्याने बातम्या येत असताना कारच्या मार्केटमध्ये एक धक्कादायक अशी माहिती समोर आली आहे. होय, कोरोनाच्या काळात देशात महागड्या कारच्या विक्रीत लक्षणीय वाढ झाली आहे. जर्मन ऑटो कंपनी मर्सिडीज बेंझने गेल्या वर्षी भारतात 80 टक्क्यांनी महागड्या कार विकल्या आहेत. मर्सिडीज बेंझ इंडियाच्या मर्सिडीज बेंझच्या (Mercedes Benz India) भारतीय युनिटनुसार, गेल्या वर्षी 2021 मध्ये दिवसाला सुमारे सहा कार विकल्या गेल्या. या गाड्यांची किंमत एक कोटी रुपयांहून अधिक आहे.

Loading...
Advertisement

कंपनीच्या म्हणण्यानुसार, त्यांच्या महागड्या कार GLS Maybach, S-Class, GLS आणि AMG च्या विक्रीत गेल्या वर्षी 80 टक्के वाढ झाली आहे. या काळात कंपनीच्या एकूण विक्रीत 43 टक्क्यांनी वाढ झाली आहे. कंपनीने दावा केला आहे की यावर्षी आपल्या महागड्या कारच्या विक्रीत 20 टक्क्यांनी वाढ होण्याची अपेक्षा आहे. गेल्या वर्षी भारतीय श्रीमंतांच्या संपत्तीत वाढ झाली आणि त्यांच्या खर्चामुळे (revenge spending) महागड्या गाड्यांची विक्री वाढली, असे मानले जाते. हारुण इंडिया वेल्थ रिपोर्ट, 2021 नुसार, 2021 मध्ये देशातील डॉलर करोडपती कुटुंबांची संख्या 11 टक्क्यांनी वाढून 458,000 झाली आहे. मर्सिडीज बेंझ इंडियाकडे सध्या तीन हजार वाहनांच्या ऑर्डर आहेत. देशात महागड्या वाहनांची विक्री वाढवण्यासाठी कंपनीने गुरुवारी नवीन जनरेशन मर्सिडीज-मेबॅक एस-क्लास लाँच केले. त्याचे दोन व्हेरियंट भारतात लाँच करण्यात आले आहेत. यातील S580 प्रकार भारतात असेंबल केले जाईल आणि त्याची किंमत 2.5 कोटी रुपये असेल. दुसरीकडे, S680 प्रकार आयात केला जाईल आणि त्याची किंमत 3.2 कोटी रुपये असेल.

Advertisement
Advertisement

Leave a Reply