Please wait..
Take a fresh look at your lifestyle.

रशिया-युक्रेन युद्धामुळे अमेरिका हैराण नाही तर होणार मालामाल; पहा, रशियाला कसा बसणार झटका..?

दिल्ली : रशिया आणि युक्रेनमध्ये संघर्ष सुरूच आहे. रशियन सैन्य युक्रेनवर कब्जा करण्याच्या मोहिमेत गुंतले आहे. तसे, रशियाला या युद्धातून आपले वर्चस्व सिद्ध करायचे आहे. पण युक्रेन-रशिया संकटाचा फायदा अमेरिकेला होत आहे का, असाही एक प्रश्न आता समोर आला आहे. तसेही अमेरिका आणि युरोपीय देश या युद्धापासून बाजूलाच आहेत. त्यांनी घोषणा करण्यापलीकडे युक्रेनची कोणतीही मदत केलेली नाही. ग्लोबल टाइम्सने असाच काहीसा दावा केला आहे. चला याबाबत आधिक माहिती घेऊ या..

Advertisement

सन 2021 मध्ये युरोपियन युनियनला रशियाची एकूण गॅस निर्यात 199.6 अब्ज घन मेट्रिक प्रतिवर्ष होती. जी तिच्या एकूण निर्यातीच्या 81 टक्के आहे. आता युक्रेनच्या संकटामुळे, रशियाची युरोपला होणारी वायू निर्यात दरवर्षी 72.6 अब्ज घन मेट्रिक मेट्रिकपर्यंत कमी होईल. आता अमेरिका ही पोकळी भरून काढू शकते. 2022 मध्ये त्याचे उत्पादन 1 ट्रिलियन क्यूबिक मेट्रिकपर्यंत पोहोचले आहे आणि अमेरिका खरेदीदारांच्या शोधात आहे. त्यामुळे युरोपीय देश रशियाऐवजी अमेरिकेकडून नैसर्गिक वायू खरेदी करू शकतात.

Advertisement

रशिया आणि युक्रेनमध्ये सुरू असलेल्या युद्धाचा अमेरिकेला दुसरा फायदा डॉलर मजबूत होण्याच्या रूपाने होणार आहे. खरे तर, 2014 मध्ये युक्रेन संकटाच्या वेळी हे घडले आहे. त्यामुळे या युद्धामुळे युरोपला आता सुरक्षित मानले जात नसल्याने यावेळीही असेच घडेल, असा अंदाज वर्तविला जात आहे. 2014 मध्ये युक्रेन संकटानंतर फेब्रुवारी ते डिसेंबर दरम्यान जगातील प्रमुख चलनांच्या तुलनेत डॉलरचा विनिमय दर 8.7 टक्क्यांनी वाढला होता.

Loading...
Advertisement

युक्रेनमध्ये सुरू असलेल्या संघर्षामुळे युरोपीय देश रशियावर सर्व प्रकारचे निर्बंध लादत आहेत. याचा परिणाम रशियाबरोबरच्या या देशांमधील व्यापारावरही होणार आहे. दुसरीकडे, अमेरिकेला याबाबत खात्री आहे. याचे कारण रशियाशी त्याचे फारसे व्यापारी संबंध नाहीत. या आकडेवारीवरून हे समजू शकते की 2021 मध्ये रशिया आणि युरोपियन युनियनमधील देशांमधील एकूण व्यापार $282 अब्ज होता. हा रशियाच्या एकूण व्यापाराच्या 35.7 टक्के होता. त्याच वेळी, अमेरिके बरोबरचा व्यापार फक्त $ 34.4 अब्ज होता, जो युरोपियन युनियनच्या देशांपैकी फक्त एक अष्टमांश आहे.

Advertisement

युक्रेन आणि रशियामध्ये सुरू असलेल्या तणावादरम्यान अनेक देश युक्रेनला शस्त्रे पुरवत आहेत. त्याचवेळी या युद्धामुळे युरोपमध्ये तणाव वाढला आहे. जर्मनीने आपले संरक्षण बजेट 100 अब्ज युरोपर्यंत वाढ करण्याचा निर्णय घेतला आहे. हे त्याच्या जीडीपीच्या दोन टक्क्यांहून अधिक आहे.

Advertisement

Russia-Ukraine War : रशिया आणि बेलारुसला मोठा आर्थिक धक्का; जागतिक बँकेने घेतला ‘हा’ धक्कादायक निर्णय

Advertisement
Advertisement

Leave a Reply