देशातील 6.5 कोटी कर्मचाऱ्यांना सरकार लवकरच देणार खुशखबर; सरकार घेऊ शकते ‘हा’ महत्वाचा निर्णय..
दिल्ली : केंद्रीय कर्मचार्‍यांसह, सरकार कर्मचारी भविष्य निर्वाह निधी संघटनेच्या (EPFO) सदस्यांना होळीच्या दिवशी खुशखबर देऊ शकते. सरकार पीएफवरील व्याजदरात वाढ करू शकते. वास्तविक, EPFO च्या केंद्रीय विश्वस्त मंडळाची (CBT) बैठक 12 मार्च 2022 रोजी गुवाहाटी येथे होणार आहे. यामध्ये व्याजदरावर चर्चा होणार आहे.
केंद्रीय विश्वस्त मंडळाच्या बैठकीत चालू आर्थिक वर्षातील व्याजाचा निर्णय घेतला जाईल. यानंतर, ते आपल्या शिफारशी अर्थ मंत्रालयाला सादर करतील, जिथे व्याजदर निश्चित केले जातील. सूत्रांवर विश्वास ठेवला तर CBT चे काही सदस्य व्याजदर वाढ करण्याच्या बाजूने आहेत. चालू आर्थिक वर्ष ईपीएफओसाठी कठीण गेले आहे.
यानंतर, EPFO आपल्या इक्विटी गुंतवणुकीचा काही भाग 8.5 टक्के व्याज देण्यासाठी विकू शकतो. मर्यादित पर्यायांमुळे रोखे गुंतवणूक अपेक्षेपेक्षा कमी राहिली आणि भांडवली गुंतवणूक होऊ शकली नाही. ईपीएफओ इक्विटीसह कर्जामध्ये गुंतवणूक करते. EPFO च्या वित्त गुंतवणूक आणि लेखापरीक्षण समितीने आपल्या शिफारसी CBT ला पाठवल्या आहेत.
EPFO ने आर्थिक वर्ष 2020-21 मध्ये आपल्या ग्राहकांना 8.5 टक्के व्याज दिले होते. 2015-16 मध्ये सर्वाधिक व्याजदर होता, जेव्हा ग्राहकांना 8.80 टक्के व्याज दिले गेले होते. आता 12 मार्च रोजी होणाऱ्या बैठकीकडे पगारदार वर्गाचे लक्ष लागले आहे. यामध्ये चालू आर्थिक वर्षाचे व्याजदर जाहीर करावे लागतील. केंद्रीय कामगार मंत्र्यांनी दिलेल्या माहितीनुसार, व्याजदराच्या निर्णयाचा प्रस्तावही या महत्त्वाच्या बैठकीत ठेवण्यात आला आहे.
कामगार मंत्री भूपेंद्र यादव यांनी EPFO चा व्याजदर वाढ करण्याबाबत किंवा तो स्थिर ठेवण्याबाबत सांगितले की, पुढील आर्थिक वर्षाच्या उत्पन्नाच्या अंदाजावर हा निर्णय घेतला जाईल. त्याचा अंतिम निर्णय बोर्डाकडून घेतला जातो. अशा स्थितीत संचालक मंडळाच्या बैठकीत चर्चा करूनच याबाबत निर्णय घेतला जाईल. सर्वसामान्यांना दिलासा देण्याचा आमचा उद्देश आहे. त्यासाठी सर्व उपाययोजना केल्या जातील.
सरकारी कर्मचाऱ्यांसाठी महत्वाची बातमी.. सरकारने दिलेत ‘हे’ महत्वाचे निर्देश; जाणून घ्या, डिटेल..