Please wait..
Take a fresh look at your lifestyle.

आधी चीन आता रशिया..! म्हणून पाकिस्तानचे पंतप्रधान निघालेत रशिया दौऱ्यावर; पहा, काय आहे पाकिस्तानचा प्लान..?

दिल्ली : युक्रेन आणि रशिया यांच्यात सध्या सुरू असलेल्या वाद (Ukrane Russia Conflict) आणि युद्धासारखी परिस्थिती असताना पाकिस्तानचे (Pakistan)पंतप्रधान इम्रान खान रशिया दौऱ्यावर रवाना होणार आहेत. 23 आणि 24 फेब्रुवारीला इम्रान खान रशियाला भेट देणार आहे. तब्बल २३ वर्षांनंतर पाकिस्तानचे पंतप्रधान रशिया दौऱ्यावर जात आहेत. क्रेमलिनचे प्रेस सचिव दिमित्री पेस्कोव्ह यांनी रविवारी ही घोषणा केली. आपल्या दौऱ्यात इम्रान खान रशियाचे अध्यक्ष व्लादिमीर पुतिन यांची भेट घेणार आहेत.

Advertisement

पाकिस्तानचे पंतप्रधान इम्रान खान यांनी रशियाच्या राष्ट्राध्यक्षांना निमंत्रण दिले आहे. गेल्या महिन्यात झालेल्या दूरध्वनी संभाषणात पंतप्रधानांनी आपल्या निमंत्रण दिले. पुतीन यांच्या दौऱ्याबाबत गेल्या दोन वर्षांपासून चर्चा सुरू आहे, मात्र कोरोनासह अन्य काही कारणांमुळे तारीख ठरलेली नाही. या भेटीची कारणे काही अहवालांमध्ये निदर्शनास आणून दिली आहेत. वृत्तानुसार, रशियालाही पाकिस्तानबरोबर मोठे प्रकल्प करायचे आहेत. रशियाबरोबर पाकिस्तानच्या कोणत्याही प्रकल्पाबाबत चर्चा झाली, तर रशियाचे राष्ट्राध्यक्ष व्लादिमीर पुतिन स्वत: पाकिस्तान दौऱ्या दरम्यान याबाबत घोषणा करतील, असे मानले जात आहे.

Advertisement

इम्रान खान यांचा दौरा अशा वेळी होणार आहे जेव्हा रशियाकडून युक्रेनवर आक्रमण होण्याची भीती व्यक्त केली जात आहे. जगातील सर्व दिग्गजांनी आधीच सांगितले आहे, की जर हे युद्ध झाले तर त्याचा अर्थव्यवस्थेला मोठा फटका बसेल. अलीकडेच, रशियाचे राष्ट्राध्यक्ष व्लादिमीर पुतिन आणि चीनचे राष्ट्राध्यक्ष शी जिनपिंग यांच्यात गॅस आणि तेल पुरवठ्याबाबत एक मोठा करार झाला.

Loading...
Advertisement

अमेरिका आणि इतर युरोपीय देशांकडून रशियावर कोणतेही आर्थिक निर्बंध लादले गेले तर अशा करारांमुळे पुतिन यांना मदत होईल, असे मानले जाते. सध्या पाकिस्तान आर्थिक संकटाच्या अत्यंत वाईट टप्प्यातून जात आहे. पाकिस्तानमध्ये तेलाच्या किमतीत मोठी वाढ झाली असून, त्यामुळे देशातील लोक हैराण झाले आहेत. परदेशातून कर्ज घेऊन सरकारी यंत्रणा आणि अर्थव्यवस्था सुधारण्यासाठी पाकिस्तान सरकार प्रयत्न करत आहे. यासाठीच देशाचे राज्यकर्ते दुसऱ्या देशांचे दौरे करत आहेत.

Advertisement

पाकिस्तानचे संकट वाढले..! म्हणून पंतप्रधान करणार चीनचा दौरा.. पहा, काय सुरू आहे शेजारच्या देशात

Advertisement
Advertisement

Leave a Reply