Please wait..
Take a fresh look at your lifestyle.

पेट्रोलने ‘तिथे’ ही दिलाय जोरदार झटका..! पहा, वाहन कंपन्यांचे कसे होतेय नुकसान..?

मुंबई : देशातील दुचाकी बाजारपेठेत मोठा वाटा असलेल्या ग्रामीण भागातील विक्रीत सातत्याने घट होत आहे. उद्योगाच्या अंदाजानुसार, ग्रामीण दुचाकी विक्री चालू आर्थिक वर्षात 1.45 कोटी इतकी अपेक्षित आहे, जी एका दशकातील सर्वात कमी असेल. याचे एक प्रमुख कारण म्हणजे ग्रामीण भागातील लोकांच्या उत्पन्नाचा अभाव. जानेवारीतही दुचाकींच्या विक्रीत 13.5 टक्क्यांनी घट झाली आहे. आता एप्रिल-जूनमध्येच विक्री वाढण्याची अपेक्षा वाहन उद्योगाला आहे.

Advertisement

कोरोनाच्या संकटाचा परिणाम ग्रामीण भागातील लोकांच्या उत्पन्नावर झाला आहे. कोरोनाच्या पहिल्या लाटेनंतर आरोग्यावरील खर्चात एकप्रकारे वाढ झाली आहे. त्याचबरोबर अवकाळी पावसाने शेतकऱ्यांसह ग्रामीण भागातील कामगारांच्या उत्पन्नावरही परिणाम झाला आहे. शहरी भागांनी दुसऱ्या लाटेचा चांगला सामना केला. तर ग्रामीण भागात कमी संसाधनांमुळे अडचणी निर्माण झाल्या. अशा स्थितीत दुचाकी खरेदीत मोठी घट झाली.

Advertisement

ग्रामीण भागात जिथे गरज आहे तिथे दुचाकी खरेदी केली जाते. दुसरीकडे, शहरी भागातील बहुतांश खरेदी ही चांगल्या वाहनांची इच्छा आणि नवीन वाहनांच्या आवडीमुळे होते. त्यामुळेच मेट्रो शहरांबरोबरच पहिल्या आणि दुसऱ्या श्रेणीतील शहरांमध्ये जास्त किंमतीच्या आणि प्रीमियम दुचाकींच्या विक्रीत तेजी आली आहे. मात्र, दुचाकींच्या विक्रीत जास्त किंमतीच्या दुचाकींचा वाटा केवळ 20 टक्के आहे. शहरी भागातही कारचे बुकिंग वेगाने होत असून वाहन लवकर मिळावे यासाठी ग्राहक अनेक ठिकाणी बुकिंग करत आहेत.

Advertisement

स्टीलसह कच्च्या मालाच्या वाढत्या किमतीमुळे गेल्या दोन वर्षांत दुचाकी कंपन्यांनी अनेकवेळा दरात वाढ केली आहे. त्यामुळे त्यांची किंमत वाढली आहे. तर दुसरीकडे देशातील अनेक शहरांमध्ये पेट्रोल आणि डिझेलच्या दराने 100 रुपयांचा टप्पा पार केला आहे. अशा परिस्थितीत खर्चिक इंधन आणि घटत्या उत्पन्नात वाहनांच्या वाढत्या किमतीमुळे ग्रामीण भागातील ग्राहकांनी दुचाकी खरेदीपासून दुरावले आहे.

Loading...
Advertisement

Deloitte India च्या ऑटोमोटिव्हचे भागीदार आणि प्रमुख राजीव सिंग यांच्या मते, बदलत्या ग्राहकांच्या गरजा आणि नवनवीन शोधांमुळे भारतीय वाहन उद्योग वाढीच्या एका नव्या युगाचा साक्षीदार आहे. आगामी काळात भारतातील इलेक्ट्रिक वाहने, विशेषत: दुचाकी आणि तीन चाकी वाहनांची वाढ अधिक मजबूत होईल.

Advertisement

आता देशात प्रवासी वाहनांचा ट्रेंड बदलत आहे आणि अधिकाधिक ग्राहक इलेक्ट्रिक आणि हायब्रीड वाहनांना प्राधान्य देत आहेत. अल्पावधीतच एकूण दुचाकी विक्रीतील इलेक्ट्रिक दुचाकींचा वाटा दोन टक्क्यांवर पोहोचला आहे. Deloitte च्या ग्लोबल ऑटोमोटिव्ह कंझ्युमर स्टडी रिपोर्ट 2022 नुसार, एक तृतीयांश पेक्षा जास्त भारतीय ग्राहकांनी इलेक्ट्रिक आणि हायब्रिड वाहनांना प्राधान्य दिले आहे. यानुसार, साथीच्या रोगामुळे देशात पर्यावरणपूरक आणि शाश्वत वाहतूक पद्धतींवर अधिक लक्ष दिले जात आहे.

Advertisement

अभ्यास अहवालानुसार, 59 टक्के भारतीय ग्राहक हवामानातील बदल, प्रदूषण पातळी आणि पेट्रोल आणि डिझेल वाहनांमधून होणारे उत्सर्जन याबद्दल चिंतित आहेत. अहवालानुसार, 2022-23 च्या अर्थसंकल्पात ग्रीन टेक्नॉलॉजी असलेल्या वाहनांना प्रोत्साहन देण्याची घोषणाही करण्यात आली आहे.

Advertisement

जबरदस्त अन् दमदार..! ‘या’ आहेत 1 लाख रुपयांपेक्षा कमी किंमतीतील दुचाकी; फिचरही आहेत एकदम खास..

Advertisement
Advertisement

Leave a Reply