चीन विरोधात अमेरिका आक्रमक..! म्हणून चीनवर ‘ते’ निर्बंध राहणार कायम; पहा, काय म्हणालेत बायडेन ?
नवी दिल्ली : अमेरिकेचे अध्यक्ष जो बायडेन म्हणाले की, चीनच्या उत्पादनांवर टाकलेले आयात शुल्क मागे घेण्याचा सध्या कोणताही विचार नाही. यासाठी अमेरिकन व्यवसायांकडून शुल्क मुक्तीचे आवाहन केले तरी प्रतिबंध मागे घेतले जाणार नाहीत. बायडेन यांनी बुधवारी याबाबत माहिती दिली. मागील वर्षात चीनला पूर्वीपेक्षा कमी विदेशी गुंतवणुकीचा वाटा मिळाला, हा ट्रेंड अमेरिकेचे माजी अध्यक्ष ट्रम्प यांच्या चीनबरोबरच्या व्यापार युद्धापासून सुरू झाला.
चीनला गेल्या दोन वर्षांत व्यवसायात लक्षणीय घट झाली आहे. या अंतर्गत, आता चीन 200 अब्ज अमेरिकन डॉलर्सची खरेदी करण्यास देखील सक्षम नाही. या प्रतिबंधांमुळे व्यापारात चीनचे मोठे नुकसान होत आहे. मात्र, त्याला काही पर्याय नाही. कारण, अमेरिका सरकार सध्या आयात शुल्क मागे घेण्याची कोणतीही शक्यता दिसत नाही.
त्याचवेळी अमेरिकेच्या राष्ट्राध्यक्षांनी आपल्या एका ट्विटमध्ये रशियाचा उल्लेख करत युक्रेनवर आक्रमणासाठी रशियाला जबाबदार धरले जाईल, असे म्हटले आहे. रशियाने युक्रेनवर आक्रमण केल्यास ते रशियासाठी आपत्ती ठरेल. आमचे सहयोगी रशिया आणि त्याच्या अर्थव्यवस्थेचे लक्षणीय नुकसान करण्यास तयार आहेत. जो बायडेन त्यांच्या पुढच्या ट्विटमध्ये म्हणाले की, रशियाने युक्रेनमध्ये पुढे गेल्यास असे निर्बंध टाकले जातील जे रशियाने याआधी कधीही अनुभवलेले नाही.
त्याचवेळी बायडेन यांनी त्यांच्या पुढील ट्विटमध्ये अफगाणिस्तानवरही जोरदार टीका केली आहे. अफगाणिस्तानामधून अमेरिकन सैन्य मागे घेण्यावर ते म्हणाले, की ‘मी जे काही केले त्याबद्दल मी माफी मागत नाही. आम्ही राहिलो असतो तर आम्हाला 20 ते 50 हजार सैनिक परत आणण्यास सांगितले असते. असा प्रश्न विचारत बायडेन म्हणाले, की जे घडत आहे त्याबद्दल मला वाईट वाटते. तालिबानच्या अकार्यक्षमतेचा हा परिणाम आहे.
अमेरिका आणि चीन कोरोनाने हैराण..! चीनमध्ये आणखी एका शहरात कठोर लॉकडाऊन; जाणून घ्या अपडेट