market news : बाजारात तेजीचे वारे; पहा कितीने वाढलेत शेअर्स सूचकांक
मुंबई : आठवड्याच्या दुसऱ्या व्यवहाराच्या दिवशी मंगळवारी शेअर बाजाराने वाढीसह सुरुवात केली. बॉम्बे स्टॉक एक्सचेंज (BSE) चा 30 शेअर्सचा सेन्सेक्स 119 अंकांच्या वाढीसह 61,428 वर उघडला, तर नॅशनल स्टॉक एक्स्चेंज (NSE) च्या निफ्टी निर्देशांकाने 36 अंकांनी उसळी घेत 18,344 वर व्यापार सुरू केला.
शेअर बाजार उघडल्यानंतर सुमारे 1555 शेअर्स वधारले, 472 शेअर्स घसरले आणि 105 शेअर्समध्ये कोणताही बदल झाला नाही. निफ्टीमध्ये टेक महिंद्रा, ओएनजीसी, टायटन कंपनी, हिंदाल्को इंडस्ट्रीज आणि बीपीसीएल हे प्रमुख वधारले, तर अल्ट्राटेक सिमेंट, मारुती सुझुकी, आयशर मोटर्स, यूपीएल आणि एचडीएफसी हे घसरले. सोमवारी दिवसभराच्या अस्थिर व्यवहारानंतर शेअर बाजार हिरव्या चिन्हावर उघडला. अखेरीस वाढीसह बंद झाला. सेन्सेक्स 86 अंकांच्या वाढीसह 61,309 वर बंद झाला. यासह राष्ट्रीय शेअर बाजाराचा निफ्टी 52 अंकांच्या वाढीसह 18,300 चा स्तर पार करत 18,308 च्या पातळीवर बंद झाला.