खरेदी करताय..? मग, महागाईच्या काळात ‘या’ गोष्टी लक्षात ठेवा आणि करा स्मार्ट खरेदी; जाणून घ्या..

अहमदनगर : खरेदी करताना बऱ्याच वेळा लोक अशा वस्तू देखील खरेदी करतात ज्याची त्यांना गरज नसते. मात्र, खरेदीमुळे काही वेळेस आर्थिक नुकसानही होण्याची शक्यता असते. अनेकांनी याचा अनुभव घेतला असेलच. कारण, खरेदी करताना योग्य नियोजन केले नसेल तर असे प्रकार अनेकांच्या बाबतीत घडतात. तसे पाहिले तर खरेदी करताना थोडे हुशार असणे गरजेचे आहे. स्मार्ट शॉपिंग करण्याचा एक फायदा असा आहे की या महागाईच्या काळात थोडे स्मार्ट झाले तर कमी बजेटमध्ये चांगली खरेदी करता येते. खरे तर, आम्ही तुम्हाला अशाच काही उत्तम आणि स्मार्ट टिप्स सांगणार आहोत, ज्या तुमच्यासाठी खूप उपयुक्त ठरणार आहेत.

खरेदी करताना प्रत्येक गोष्टीचा दुसरा पर्याय विचारात घेणे नेहमीच उत्तम आहे. तसे, कोरोनाच्या या काळात अनेक बाजारपेठा एकतर बंद आहेत किंवा कमी वेळ सुरू असतात. अशा परिस्थितीत तुम्ही ऑनलाइन शॉपिंग मदत घेऊ शकता. त्याचे वैशिष्ट्य म्हणजे इथे कुठेही न जाता विविध प्रकारच्या वस्तू मिळतात. आजकाल ऑनलाइन ट्रेंडमध्ये आहे कारण येथे बरेच पर्याय आहेत.

तुम्ही खरेदीला जात असाल तर आधी तुम्हाला कोणत्या वस्तू घ्यायच्या आहेत याची यादी बनवा. असे केल्याने, तुम्ही बाजारात जाऊन त्या वस्तूंवर लक्ष केंद्रित करू शकाल, ज्या तुम्ही घरून खरेदी करण्यासाठी आला आहात. याबरोबरच खरेदी करताना वेळेचा अपव्ययही होणार नाही.

जर तुम्ही खरेदीला गेला असाल तर एका दिवसात सर्व काही विकत घ्यायचे आहे असा विचार करू नका. जर तुम्ही घाई केलीत तर तुम्ही वस्तू खरेदी कराल, परंतु नंतर त्याच्याशी संबंधित अनेक समस्या तुम्हाला त्रास देऊ शकतात. त्यामुळे दुसऱ्या दिवशीही खरेदीसाठी वेळ काढून ठेवा. कोणत्याही गोष्टीसाठी दुसऱ्याचे मार्गदर्शन घेतले तर खरेदी करणे सोपे जाते. तसेच असे केल्याने तुमचे नुकसानही कमी होते.

अनेकदा लोक खरेदी करताना घाई करू लागतात. अशा परिस्थितीत त्यांना मनाप्रमाणे गोष्टी मिळत नाहीत आणि नुकसानही होते. अशा परिस्थितीत तुम्ही खरेदीसाठी जात असाल तर त्यासाठी नक्कीच वेळ द्या. तसेच, जर तुम्ही ऑनलाइन खरेदी करत असाल तर यामध्येही वेळ देणे चांगले ठरेल. कारण, येथे तुम्ही जास्त शोध घेतला तर तुम्हाला आधिक चांगल्या प्रकारच्या वस्तू मिळू शकतात.

किराणा खरेदी करताय..? मग ‘या’ नेहमीच्या सवयी टाळाच; खरेदीचे बजेट बिघडणार नाही..