Mahindra XUV.e8: भारतीय ऑटो बाजारात लोकप्रिय ऑटो कंपनी महिंद्रा मोठा धमाका करण्याची तयारी करत आहे.
समोर आलेल्या माहितीनुसार महिंद्रा 2024 च्या शेवटच्या महिन्यात आपली पहिली इलेक्ट्रिक एसयूव्ही लॉन्च करू शकते. तुमच्या माहितीसाठी जाणुन घ्या की, ही नवीन एसयूव्ही कार INGLO नावाच्या नवीन स्केटबोर्ड प्लॅटफॉर्मवर डिझाइन आणि डेव्हलप करण्यात येत आहे.
कंपनी या प्लॅटफॉर्मवर इतर 4 नवीन EV SUV लाँच करणार आहे. हे सर्व ई आणि बीई नेमप्लेट्स अंतर्गत बाजारात आणले जातील. महिंद्राने 2022 मध्ये 5 इलेक्ट्रिक SUV कॉन्सेप्ट सादर केल्या होत्या. त्यात XUV.e8, XUV.e9, BE05, BE07 आणि BE09 चा समावेश आहे.
तर या सिरीजमध्ये लॉन्च होणारी XUV.e8 ही कंपनीची पहिली इलेक्ट्रिक SUV असेल. चला मग जाणून घेऊया या कारबद्दल सविस्तर माहिती.
या मॉडेलमध्ये काही नवीन बदल आणण्यासाठी महिंद्राकडून नवीन EV XUV.e8 मध्ये काही बदल केले जातील. त्याचा फ्रंट पूर्णपणे वेगळा असेल ज्यामध्ये समोरील बाजूस कनेक्टेड LED लाइट बार आणि तिरके हेडलॅम्प असतील.
या एसयूव्हीमध्ये बंद फ्रंट ग्रिल, कोनीय डिझाइन आणि शार्प डिझाइन केलेले बोनेट असेल. तर त्याची रीयर डिजाइन तुम्हाला ICE मॉडेलप्रमाणे दिली जाईल. त्याची लांबी 4740 मिमी, रुंदी 1900 मिमी आणि उंची 1760 मिमी आणि व्हीलबेस 2762 मिमी आहे. XUV700 च्या तुलनेत, इलेक्ट्रिक SUV 45 मिमी लांब, 10 मिमी रुंद आणि 5 मिमी उंच आहे आणि तिचा व्हीलबेस 7 मिमी लांब आहे.
डिजाइन
चेन्नई-बेंगळुरू हायवेवर चाचणी दरम्यान महिंद्रा XUV.e8 EV SUV चे मॉडेल दिसले. जेव्हा हे पाहिले गेले तेव्हा असे दिसून आले की महिंद्राच्या या आगामी नवीन EV SUV च्या स्टाइल आणि इंटीरियरमध्ये मोठे बदल होणार आहेत. Mahindra XUV.e8 चा आकार बहुतेक XUV700 सारखा दिसतो.
फिचर्स
या कारच्या केबिनमध्ये एकाच पॅनेलमध्ये तीन मोठ्या स्क्रीन असतील. यामध्ये तुम्हाला टू-स्पोक स्टीयरिंग व्हील देखील देण्यात आले आहे जे टाटा सफारीच्या नवीन मॉडेलसारखे दिसते. याशिवाय महिंद्राच्या या नवीन इलेक्ट्रिक एसयूव्हीमध्ये तुम्हाला पारंपरिक ऑटोमॅटिक गियर सिलेक्टर आणि ड्रायव्हर मोडसाठी एक राउंड डायलची सुविधा देण्यात आली आहे.
इंजिन आणि पॉवरट्रेन
याशिवाय, महिंद्रा कंपनीकडून सांगण्यात आले आहे की नवीन EV SUV XUV.e8 मध्ये 80kwh ची मोठी बॅटरी दिली जाईल जी तुम्हाला एका चार्जमध्ये 500 किलोमीटरहून अधिकची रेंज देईल. तुम्हाला या SUV मध्ये AWD सिस्टीम पाहायला मिळू शकते आणि त्याचे EV मॉडेल 230bhp ते 350bhp दरम्यान पॉवर जनरेट करेल.
