Maharashtra Updates: अहमदनगर जिल्ह्यातील कर्जत तालुक्‍यातील कोपर्डी गावात सोमवारी दुपारी चारच्या सुमारास सागर हा पाच वर्षांचा बालक बोअरवेलमध्ये पडला होता त्यांनतर संपूर्ण जिल्ह्यात एकच खळबळ उडाली होती.
सागरला वाचवण्यासाठी बारा तास सातत्याने ऑपरेशन सुरू होते मात्र त्याला सुखरूप बाहेर काढता आले नाही. नॅशनल डिझास्टर रिस्पॉन्स फोर्स (NDRF) टीमने मंगळवारी पहाटे 4 वाजता मुलाचा मृतदेह बाहेर काढला. पोलिसांनी दिलेल्या माहितीनुसार, ऊसतोड मजुराचा मुलगा खेळत असताना बोअरवेलमध्ये पडला असावा.
अधिकार्‍यांवर विश्वास ठेवायचा झाल्यास कर्जत तालुक्‍यातील कोपर्डी गावात बोअरवेलमधून मुलाला बाहेर काढण्यासाठी स्थानिक पोलिस आणि जिल्हा प्रशासनाच्या कर्मचार्‍यांसह राष्ट्रीय आपत्ती प्रतिसाद दल (NDRF) टीम सतत ऑपरेशन करत होते.
एनडीआरएफच्या अधिकाऱ्यांनी दिलेल्या माहितीनुसार, दुपारी चारच्या सुमारास मुलगा बोअरवेलमध्ये पडला. मुलगा 15 फूट खोलवर अडकला होता.
त्याला सुखरूप बाहेर काढण्यासाठी बचावकार्य सुरूच होते. घटनास्थळी रुग्णवाहिका आणि इतर वैद्यकीय मदत सज्ज ठेवण्यात आली होती. मात्र त्याला बोअरवेलमधून सुखरूप बाहेर काढता आले नाही.
दरम्यान, 2017 मध्ये अहमदनगर जिल्ह्यात 7 वर्षीय सई बर्‍हाटे बोअरवेलमध्ये पडली होती.
