Maharashtra News : मागच्या काही दिवसांपासुन राज्यातील अनेक भागात मुसळधार पाऊस सुरू आहे. तर काही भागात पावसाने दांडी मारल्याने अनेकांचे नुकसान होत आहे.
तर दुसरीकडे मराठवाडा गेल्या चार वर्षांपासून अतिवृष्टी आणि यंदा दुष्काळाचा सामना करत आहे. यामुळे लवकरच राज्यातील एकनाथ शिंदे सरकार मराठवाड्याला मोठा दिलासा देणार असल्याची माहिती सूत्रांनी दिली आहे.
सूत्रानुसार उद्या होणाऱ्या राज्य कॅबिनेट मंत्रिमंडळाच्या बैठकीमध्ये शिंदे सरकार मराठवाड्यासाठी तब्बल 40 हजार कोटी रुपयांच्या योजनांचे पॅकेज जाहीर करणार आहे. तुमच्या माहितीसाठी जाणुन घ्या यावेळी औरंगाबाद शहरात राज्य मंत्रिमंडळाची विशेष बैठक होत आहे.
मिळालेल्या माहितीनुसार, या पॅकेजअंतर्गत मराठवाड्यासाठी प्रामुख्याने सिंचन, रस्ते विकास प्रकल्प, वैद्यकीय महाविद्यालये आणि कृषी महाविद्यालये जाहीर होण्याची शक्यता आहे. सात वर्षांनंतर होणाऱ्या मंत्रिमंडळ बैठकीकडून मराठवाड्यातील जनतेला मोठ्या अपेक्षा आहेत.
विविध विभागांकडून प्रस्ताव प्राप्त झाले आहेत (अहवालानुसार डेटा)-
सिंचन विभाग : 21 हजार कोटी
सार्वजनिक बांधकाम विभाग : 10 ते 12 हजार कोटी
ग्रामीण विकास विभाग: रु. 1,200 कोटी
कृषी विभाग : 600 कोटी
वैद्यकीय शिक्षण विभागः 500 कोटी रु
महिला आणि बालकल्याण विभागः 300 कोटी रु
शालेय शिक्षण विभाग : 300 कोटी रुपये
क्रीडा विभाग : 600 कोटी
उद्योग विभाग: 200 कोटी
सांस्कृतिक कार्य विभागः 200 कोटी रु
नगरविकास विभाग : 150 कोटी
बैठकीत शेतकऱ्यांसाठी काय?
मराठवाड्यात गेल्या चार वर्षांपासून सतत मुसळधार पाऊस पडत आहे. मात्र, यंदा पावसाने या भागाकडे पाठ फिरवली आहे. त्यामुळे शेतकरी पुन्हा संकटात सापडला आहे. त्यामुळे शनिवारी होणाऱ्या मंत्रिमंडळ बैठकीकडे शेतकऱ्यांचे सर्वाधिक लक्ष आहे.
वृत्तानुसार, कृषी विभागाने मराठवाड्यासाठी 600 कोटी रुपयांचा प्रस्ताव मुख्यमंत्री कार्यालयाकडे सादर केला आहे. त्यामुळे या बैठकीतून शिंदे सरकार शेतकऱ्यांसाठी कोणत्या मोठ्या घोषणा करते हे पाहणे महत्त्वाचे ठरणार आहे.
