Lumpy Skin Disease : लम्पी स्किन (Lumpy Skin Disease) या घातक आजाराचा धोका सातत्याने वाढत चालला आहे. बाधित जनावरांची संख्या वाढत चालल्याने या आजाराला अटकाव करण्यासाठी ठोस उपाययोजना हाती घेण्यात आल्या आहेत. जनावरांचे लसीकरण, रोगनमुने गोळा करणे, बाधित जनावरांवर उपचार करणे या महत्वाच्या उपाययोजना वेगाने केल्या जात आहेत. असे असतानाही दुसरीकडे मात्र या आजाराचा विळखा घट्ट होत चालला आहे. हा आजार आता अहमदनगर जिल्ह्यातील (Ahmednagar District) 219 गावांत पोहोचला असून आतापयर्यंत तब्बल 12 हजार 963 जनावरे बाधित झाली आहेत. दिलासादायक म्हणजे, पशुसंवर्धन विभागाने तातडीने औषधोपचार केल्याने यातील 7736 जनावरे या आजारातून बरी झाली आहेत. मात्र, 762 जनावरांचा मृत्यू झाला आहे.
राज्यात अनेक ठिकाणी या आजाराने बाधित जनावरे आढळली आहेत. काही जनावरांचा मृत्यूही झाला आहे. नगर जिल्ह्यात आजार वेगाने फैलावत आहे. आजार आटोक्यात आणण्यासाठी राज्यातील पशुधनाचे लसीकरण (Animal Vaccination) करण्याचा निर्णय घेण्यात आला आहे. तसेच जनावरांचे बाजार बंद केले आहेत. जिल्ह्यात गोजातीय प्रजातींची बाधित असलेली कोणतीही जिवंत किंवा मृत गुरे व म्हशी गोजातीय प्रजातींच्या कोणत्याही बाधित झालेल्या प्राण्याच्या संपर्कात आलेली कोणत्याही प्रकारची वैरण, प्राण्याच्या निवाऱ्यासाठी असलेले गवत किंवा अन्य साहित्य किंवा असे प्राणी नियंत्रित क्षेत्राच्या बाहेर नेण्यासाठी मनाई करण्यात आली आहे.
दरम्यान, बाधित जनावरांवर उपचार सुरू आहेत. दिलासादायक म्हणजे बाधित 12 हजार 963 जनावरांपैकी 7736 जनावरे या घातक आजारातून बरी झाली आहेत. जिल्ह्यात हा आजार अद्याप पूर्णपणे आटोक्यात आलेला नाही. आजाराचा फैलाव आधिक वाढू नये यासाठी जनावरांचे लसीकरण करण्यात येत आहे. पशुसंवर्धन विभागाने वेगाने लसीकरण (Vaccination For Animals) केल्याने जिल्ह्यात 105 टक्के लसीकरण पूर्ण झाले आहे. दरम्यान, जिल्ह्यात आता हा घातक आजार नियंत्रणात येत असल्याचा दावा पशुसंवर्धन विभागाने केला आहे.
- Lumpy skin disease: येथील २२ गावे यंदा नाही करणार दिवाळी साजरी; पहा काय आहे नेमके कारण
- Lumpy Update : दिलासादायक..! ‘या’ जिल्ह्यात ‘इतक्या’ जनावरांनी केली लम्पीवर मात; वाचा महत्वाची माहिती
- Lumpy Skin : बाब्बो.. आता ‘या’ आजाराने घातलेय थैमान; पहा, प्राण्यांसाठी कसा ठरतोय घातक
