Lok Sabha Election : आगामी लोकसभा निवडणुकीपूर्वी राज्यातील राजकारणात अनेक बदल पाहायला मिळत आहे. सध्या महाविकास आघाडीमध्ये जागावाटपाचा तिढा कायम असल्याची माहिती समोर आली आहे.
यातच शिवसेना प्रमुख उद्धव ठाकरे यांनी मोठा निर्णय घेत आगामी लोकसभा निवडणुकीसाठी उमदेवारांची घोषणा करण्याची सुरुवात केली आहे. हे जाणून घ्या कि, यापूर्वी शरद पवार यांनी देखील बारामती लोकसभा मतदारसंघातून पक्षाचे उमेदवार म्हणून खासदार सुप्रिया सुळे यांच्या नावाची घोषणा केली आहे.
तर आता ठाकरे यांनी उमदेवारांची घोषणा करत सर्वांना धक्का दिला आहे. शिवसेना पक्षप्रमुख उद्धव ठाकरे यांनी अमोल कीर्तिकर यांना उत्तर-पश्चिम मुंबईतून उमेदवारी दिली आहे. त्यामुळे काँग्रेस नेते संजय निरुपम नाराज झाले आहेत. अमोल यांचे वडील गजानन कीर्तिकर या मतदारसंघातून विद्यमान खासदार आहेत. ज्यांनी 2019 च्या लोकसभा निवडणुकीत निरुपम यांचा पराभव केला होता. निरुपम यांना या जागेवरून पुन्हा निवडणूक लढवायची होती.
कोठून कोणाला उमेदवारी दिली?
सत्ताधारी महायुतीप्रमाणेच महाविकास आघाडीतही जागावाटपाचा प्रश्न अद्याप सुटलेला नाही. त्यामुळे उमेदवारांची घोषणा होत नाही. मात्र उद्धव गट आणि राष्ट्रवादी काँग्रेस शरदचंद्र पवार पक्षाने एकूण पाच उमेदवारांची घोषणा केली आहे. उद्धव ठाकरे कॅम्पने रायगडमधून अनंत गीते, मावळमधून संजोग वाघेरे, ठाण्यातून राजन विचारे आणि उत्तर पश्चिम मुंबईतून अमोल कीर्तिकर यांना उमेदवारी दिली आहे.
भाजपचं टेन्शन वाढणार, काँग्रेसचा मास्टर प्लॅन तयार, ‘या’ लोकांना मिळणार 1 लाख रुपये
तर शरद पवार यांनी बारामतीतून सुप्रिया सुळे यांची उमेदवारी जाहीर केली. शिवसेनेने यूबीटीने दक्षिण मुंबईतून अरविंद सावंत यांना उमेदवारी दिल्याचे सांगण्यात येत आहे. शरद पवार गटाने अमोल कोल्हे यांना शिरूरमधून तर काँग्रेसने सोलापूर शहर मध्यमधून परिणीती शिंदे, हिंगोलीतून प्रज्ञा सावत आणि चंद्रपूरमधून प्रतिभा धानोरकर यांना उमेदवारी देण्याचा निर्णय घेतला आहे. पक्षाकडून लवकरच अधिकृत घोषणा केली जाऊ शकते.
जिंकलेल्या जागांवर आमचा हक्क – उद्धव गट
शिवसेनेचे (यूबीटी) प्रवक्ते आनंद दुबे म्हणाले, “काँग्रेस नेते संजय निरुपम 2014 आणि 2019 च्या लोकसभा निवडणुकीत पराभूत झाले. काँग्रेसमध्ये त्यांच्याकडे कोणतेही मोठे पद नाही. कदाचित त्यामुळेच त्यांना इंडिया अलायन्स किंवा एमव्हीएच्या बैठकींना बोलावले जात नाही… कोण कोठून निवडणूक लढवायची हे काँग्रेस पक्षाचे सर्वोच्च नेतृत्व ठरवेल. त्याचप्रमाणे शिवसेनेत कोण कोठून निवडणूक लढवायची याचा निर्णयही पक्षाचे सर्वोच्च नेतृत्व घेणार आहे.
राज्यात पुन्हा कमळ ? ठाकरे – पवारांना धक्का, जाणून घ्या ताजे सर्वेक्षण
2019 मध्ये जेव्हा आम्ही मुंबई उत्तर-पश्चिमची जागा जिंकली तेव्हा ती जागा पुन्हा लढवण्याचा आमचा हक्क होता.. संजय निरुपम यांना पुन्हा निवडणूक लढवायची असेल तर त्यांनी हे सोशल मीडिया प्लॅटफॉर्मवर नव्हे तर काँग्रेस पक्षाला सांगावे. ..”
