ऐकावे ते नवलच : 20 महिन्यांच्या ‘गुगल बॉय’ची उत्तरे ऐकून नेटकरीही हैराण.. कोण आहे तो

मुंबई : आजच्या काळात जेव्हा एखाद्याला कोणत्याही प्रश्नाचे उत्तर शोधावे लागते तेव्हा तो लगेच गुगलचा (Google) वापर करतो. म्हणूनच जेव्हा एखादी व्यक्ती एखाद्या प्रश्नाचे उत्तर (Answer) खूप जलद देते तेव्हा असे म्हणतात की त्याचे मन गुगलसारखे आहे. पण,  झारखंडमध्ये (zarkhand) एक लहान मूल आहे ज्याचे मन खरोखरच गुगलसारखे आहे. हे बाळ केवळ 20 महिन्यांचे असून त्याची स्मरणशक्ती (Memory) खूप तीक्ष्ण आहे.

लोक या मुलाला ‘गुगल बॉय’ (Google Boy) आणि ‘छोटा कौटिल्य’ अशा नावाने हाक मारत आहेत. झारखंडमधील गिरिडीह येथील या मुलाचे नाव अंकुश राज (Ankush Raj) आहे. अंकुशचे वडील ट्रकचालक आहेत. अंकुशचे वैशिष्टय़ म्हणजे त्याला जे काही सांगितले ते त्याच्या मनात छापून आल्यासारखे वाटते. आपल्या आईच्या मांडीवर बसलेला लहान अंकुश राज सर्व प्रश्नांची उत्तरे अतिशय वेगाने देतो.

अंकुशचे अनेक व्हिडिओ सध्या सोशल मीडियावर व्हायरल होत आहेत. अंकुशला गुड इंग्लिश नावाचं पूर्ण पुस्तक आठवतं. पुस्तकात नमूद केलेले सर्व पक्षी, प्राणी, फुले, भाज्या यांची इंग्रजी नावे त्याला आठवतात आणि विचारल्यावर तो क्षणाचाही विलंब न लावता सांगतो. तसेच, पंतप्रधान ते मुख्यमंत्र्यांची नावेही त्यांना आठवतात. त्याच्या स्मरणशक्तीचा नमुना पाहून लोक आश्चर्यचकित होत आहेत.

अंकुशचे वडील अशोक यादव हे ट्रक ड्रायव्हर असून कामानिमित्त ते ओडिशात राहतात आणि आई निशा भारती घराची काळजी घेतात. अंकुशची क्षमता ही देवाने दिलेली देणगी असू शकते, पण त्याची आई आणि आजी नीलम देवी यांचाही यात मोठा हातभार आहे. त्याची आई अंकुशच्या अभ्यासाची विशेष काळजी घेते. पुस्तके आणत राहते. त्याची आजीही त्याला सतत काही ना काही शिकवत असते.