Please wait..
Take a fresh look at your lifestyle.

Corona Update : कोरोनामुळे वाढले टेन्शन.. 24 तासांत सापडले ‘इतके’ रुग्ण; WHO ने दिला ‘हा’ इशारा..

Please wait..

Corona Update : देशात सक्रिय कोरोना रुग्णांच्या (Corona Virus Patient) संख्येत वाढ झाल्याने पुन्हा एकदा काळजी वाढली आहे. शनिवारी (16 जुलै) आरोग्य मंत्रालयाने (Health Ministry) जारी केलेल्या आकडेवारीनुसार, देशातील अॅक्टिव्ह रुग्णांची संख्या 1,40,760 झाली आहे, जी कालच्या तुलनेत 1,687 अधिक आहे. त्याच वेळी, गेल्या 24 तासात कोरोनाचे 20,044 नवीन रुग्ण आढळले आहेत आणि 18,301 लोक बरेही झाले आहेत. या दरम्यान 56 रुग्णांना आपला जीव गमवावा लागला. या आजाराच्या सुरुवातीपासून आतापर्यंत एकूण 5,25,660 लोकांचा मृत्यू झाला आहे.

Advertisement

Advertisement

गेल्या 24 तासांत दिल्लीत कोरोनाचे 601 नवीन रुग्ण आढळले असून संसर्गाचा दर 3.64 टक्के नोंदवला गेला आहे. मात्र, या काळात एकही मृत्यू झाला नाही हे दिलासादायक आहे. राष्ट्रीय राजधानीत आतापर्यंत 19,43,026 संसर्गाची प्रकरणे नोंदली गेली आहेत आणि 26,289 रुग्णांचा मृत्यू झाला आहे. एका दिवसापूर्वी 16,499 नमुने तपासण्यात आले. शुक्रवारच्या आकडेवारीनुसार दिल्लीत 520 प्रकरणे समोर आली असून एका रुग्णाचा मृत्यू झाला आहे. सध्या कोविडचे 2,010 रुग्ण उपचार घेत आहेत.

Advertisement

Advertisement
Loading...

मुंबईत गेल्या 24 तासांत कोरोनाचे 365 नवे रुग्ण आढळून आले असून दोन जणांचा मृत्यू झाला आहे. यासह, शहरातील एकूण बाधितांची संख्या 1,120,537 वर गेली आहे तर मृतांची एकूण संख्या 19,629 वर गेली आहे. मात्र, या दरम्यान 528 जण बरेही झाले आहेत. सध्या शहरात 2,640 अॅक्टिव्ह रुग्ण आहेत.

Advertisement

कोरोना विषाणूच्या साथीने पुन्हा डोके वर काढले आहे. अडीच वर्षांपासून थैमान घालणाऱ्या कोरोना विषाणूच्या नवीन उप-प्रकाराने अमेरिकेसह जगातील अनेक देशांमध्ये काळजी वाढली आहे. कोरोना विषाणूच्या ओमिक्रॉन (Omicron) या प्रकाराचा हा उप-प्रकार BA.5 म्हणून ओळखला जात आहे. बर्‍याच तज्ज्ञांनी त्याचे आतापर्यंतचे सर्वात संसर्गजन्य उपप्रकार म्हणून वर्णन केले आहे. त्याचा वेगाने होणारा प्रसार पाहता, जागतिक आरोग्य संघटनेने (World Health Organisation) जगातील सर्व देशांना मास्क (Mask) पुन्हा अनिवार्य करण्याची विनंती केली आहे.

Advertisement

 

Advertisement
Advertisement

Leave a Reply