Heavy Rain : पावसाने ‘या’ राज्यात उडाला हाहाकार.. पहा, पावसामुळे किती होतेय नुकसान..
Heavy Rain : आजकाल गुजरातच्या (Guajarat) अनेक भागांमध्ये विध्वंसाचे दृश्य दिसत आहे. मुसळधार पावसामुळे शहरापासून गावापर्यंत सर्वत्र पूरसदृश परिस्थिती निर्माण झाली आहे. संपूर्ण राज्यात आतापर्यंत 83 जणांचा मृत्यू झाला आहे. तसेच, आतापर्यंत 31,000 हून अधिक लोकांना सुरक्षित ठिकाणी हलवण्यात आले आहे. मात्र सततच्या पावसामुळे मदत आणि बचाव कार्यात अडचणी येत आहेत. भारतीय हवामान खात्याने (IMD) दक्षिण गुजरात आणि सौराष्ट्रातील जिल्ह्यांमध्ये मुसळधार पावसाचा (Heavy Rain) अंदाज व्यक्त करत ‘रेड अलर्ट’ (Red Alert) जारी केला आहे.
ओरंगा नदी धोक्याच्या चिन्हावरून वाहत आहे. म्हणजे वलसाड आणि आसपासच्या भागात पूर (Flood) येण्याचा धोका कायम आहे. प्रत्यक्षात या भागात 14 इंचांपर्यंत पाऊस झाला आहे. वलसाडमध्ये 5 इंच पावसानंतर परिस्थिती बिकट झाली आहे. वलसाडमधील काश्मिरा नगर, बरुडिया वाड या सखल भागांसह अनेक भागात पाणी शिरले आहे. हे सर्व भाग नदीच्या काठावर आहेत. याठिकाणी 500 हून अधिक लोकांना सुरक्षित स्थळी नेण्यात आले. एनडीआरएफ, अग्निशमन दल आणि प्रशासनाची उर्वरित टीम लोकांना बाहेर काढण्यासाठी परिश्रम घेत आहे.
Rain Alert : बाब्बो.. ‘या’ राज्यांत पावसाचे थैमान.. पहा, निसर्गाने कसा दिलाय फटका.. https://t.co/HFN7SJdFVf
Advertisement— Krushirang (@krushirang) July 12, 2022
Advertisement
मुसळधार पावसामुळे केवळ वलसाडच नाही तर उमरगाममधील अनेक सखल भागात पूर आला आहे. मुसळधार पावसाने येथील अनेक दुकानांत पाणी शिरले. गुजरातमध्ये गेल्या 24 तासांत पावसाशी संबंधित घटनांमध्ये 14 जणांचा मृत्यू झाला आहे. यातील नऊ जणांचा बुडून मृत्यू झाला. एकंदरीत आतापर्यंत 83 जणांना आपला जीव गमवावा लागला आहे.
IMD Alert: ‘त्या’ भागात होणार दमदार पाऊस; पहा पावसाचा अंदाज https://t.co/MbhdfiRdOh
Advertisement— Krushirang (@krushirang) July 13, 2022
Advertisement
स्टेट इमर्जन्सी ऑपरेशन सेंटर (SEOC) नुसार, जुनागड, गीर सोमनाथ, डांग आणि अमरेली येथे बुधवारी सकाळी 6 ते सकाळी 10 या चार तासांत 47 मिमी ते 88 मिमी पाऊस झाला. भारतीय हवामान खात्याने (IMD) दक्षिण गुजरात आणि सौराष्ट्रमधील जिल्ह्यांमध्ये मुसळधार पावसाचा अंदाज व्यक्त करत ‘रेड अलर्ट’ जारी केला आहे.
दक्षिण गुजरातमधील कच्छ, भरूच, डांग, नवसारी आणि तापी जिल्ह्यांतील अनेक भागात गेल्या 24 तासांत मुसळधार ते अति मुसळधार पाऊस झाला आहे. सौराष्ट्र विभागातील राजकोट, गीर सोमनाथ, अमरेली आणि जामनगर जिल्ह्यांमध्ये जोरदार पाऊस झाला.