बळीराजासाठी खुशखबर..! पहा कशा पद्धतीने शेतकरी ठरवू शकणार शेतमालाचा बाजारभाव

पुणे / मुंबई : आता शेतकरी आणि शेतकरी उत्पादक कंपन्या / संस्था (FPOs) यांना एग्री-डेरिडेटिल्स आणि संबंधित बाजार पायाभूत सेवांबद्दल माहिती सहजपणे मिळू शकणार आहे. अॅग्री-कमोडिटी सराफा अर्थात NCDEX आणि त्याच्या इन्व्हेस्टर प्रोटेक्शन फंड ट्रस्टने आज (29 मार्च) एक कॉल सेंटर सुरू केले आहे. या उपक्रमामुळे शेतकरी आणि एफपीओ यांना एक्स्चेंजच्या कामकाजाशी संबंधित माहिती, उत्पादनाशी संबंधित माहिती, स्पॉट किंमत, वितरण आणि सेटलमेंट आदि माहिती मिळणार आहे. NCDEX हे एक कमोडिटी एक्सचेंज आहे. ज्यावर गहू, हरभरा, बाजरी आणि गूळ यासारख्या कृषी उत्पादनांचा व्यापार होतो. एकप्रकारे याला शेतकऱ्यांचा शेअर बाजारही म्हणता येईल. (Ncdex Launches Call Centre To Create Awareness Among Farmers On Agri Derivatives)

NCDEX चे MD (व्यवस्थापकीय संचालक) आणि मुख्य कार्यकारी अधिकारी (CEO) अरुण रास्ते यांच्या मते, शेतकरी आणि FPOs यांना डेरिव्हेटिव्ह मार्केटशी संबंधित माहिती देण्यासाठी कॉल सेंटर सुरू करण्यात आले आहे. हे अशा प्रकारचे पहिले उदाहरण आहे. ते म्हणाले की, या सुविधेमुळे एनसीडेक्स आणि शेतकरी यांच्यातील दरी कमी होण्यास आणि त्यांना कृषी उत्पादनांच्या विपणनाच्या मुख्य प्रवाहात आणण्यास मदत होईल. देशाच्या दूरवरच्या भागात राहणाऱ्या शेतकऱ्यांना याचा सर्वाधिक फायदा होणार आहे. बाजार नियामक सिक्युरिटीज अँड एक्स्चेंज बोर्ड ऑफ इंडिया (SEBI) चे कार्यकारी संचालक व्ही.एस. सुंदरेसन यांनी याच्या लाँचिंगच्या प्रसंगी हे योग्य दिशेने एक महत्त्वाचे पाऊल असल्याचे म्हटले. ते म्हणाले की, डेरिव्हेटिव्ह्ज शेतकऱ्यांना प्रभावी जोखीम व्यवस्थापन साधने देतात. परंतु शेतकऱ्यांमध्ये त्याबद्दल फारशी माहिती नाही. सेबी यावर काम करत असून कॉल सेंटर त्यांच्या प्रयत्नांना मदत करेल. NCdex नुसार कॉल सेंटर केवळ डेरिव्हेटिव्ह ट्रेडिंगची माहितीच देणार नाही तर इलेक्ट्रॉनिक निगोशिएबल वेअरहाऊस रिसीप्टवर आधारित वित्तपुरवठा आणि लिलाव आणि रिव्हर्स ऑक्शनद्वारे इलेक्ट्रॉनिक स्पॉट ट्रेडिंग देखील प्रदान करेल जेणेकरून शेतकरी संपूर्ण कृषी मूल्य साखळीशी जोडू शकतील.