Election 2022 : पहिल्या टप्प्यात जबरदस्त मतदान.. निवडणूक आयोगाने दिलीय महत्वाची माहिती
दिल्ली : उत्तर प्रदेश विधानसभा निवडणुकीच्या पहिल्या टप्प्यात गुरुवारी 11 जिल्ह्यांतील 58 जागांसाठी तब्बल 62 टक्के मतदान झाले. या टप्प्यात कैरानामध्ये सर्वाधिक 75.12 टक्के आणि साहिबााबादमध्ये सर्वात कमी 47.22 टक्के मतदान झाले. अनेक ठिकाणांहून ईव्हीएममध्ये तांत्रिक अडचणी आल्या, मात्र मतदान शांततेत झाल्याचे निवडणूक आयोगाचे म्हणणे आहे.
आयोगाच्या एका अधिकाऱ्याने सांगितले की, या जिल्ह्यांमध्ये सरासरी 62.08 टक्के मतदान झाले आहे. अतिरिक्त मुख्य निवडणूक अधिकारी राम तिवारी म्हणाले की, काही ठिकाणांहून ईव्हीएममध्ये तांत्रिक समस्या असल्याच्या बातम्या आल्या आहेत. यावर ईव्हीएम बदलून मतदान घेण्यात आले.
पहिल्या टप्प्यात 58 जागांसाठी 623 उमेदवार रिंगणात आहेत. यामध्ये 73 महिला उमेदवार आहेत. 2017 च्या निवडणुकीत भाजपने पहिल्या टप्प्यात 58 पैकी 53 जागा जिंकल्या होत्या, तर सपा आणि बसपाला प्रत्येकी दोन जागा मिळाल्या होत्या. राष्ट्रीय लोक दलाचा (आरएलडी) उमेदवारही विजयी झाला होता. यंदा काय परिस्थिती आहे, हे निकालानंतरच स्पष्ट होणार आहे.
निवडणुकीदरम्यान ईव्हीएममध्ये बिघाड झाल्याच्या मोठ्या प्रमाणात तक्रारी आयोगाकडे आल्या होत्या, त्यामुळे मतदानावरही परिणाम झाला होता. शामली आणि बुलंदशहरमध्ये सर्वाधिक तक्रारी करण्यात आल्या. 161 बूथवरील मशीनमध्ये बिघाड झाल्याने आयोगाला मशीन बदलावी लागली. यामध्ये बॅलेट युनिट आणि कंट्रोल युनिट दोन्ही बदलावे लागले.
याशिवाय 374 ठिकाणी व्हीव्हीपॅटबाबत तक्रारी प्राप्त झाल्या, त्यानंतर व्हीव्हीपॅटही बदलण्यात आली. CVigil अॅपद्वारे आयोगाला 358 तक्रारी प्राप्त झाल्या, त्यापैकी 171 तक्रारी योग्य असल्याचे आढळून आले. आयोगाकडे हेल्पलाइनद्वारे आलेल्या सर्व तक्रारी, त्यावर कारवाई करण्याच्या सूचना संबंधित अधिकाऱ्यांना दिल्या जात होत्या. सर्वाधिक तक्रारी मतदार यादीत नाव नसल्याच्या होत्या.
ग्रेट खली आता थेट राजकारणात..! म्हणून खलीने घेतला भाजपमध्ये प्रवेश; जाणून घ्या, अपडेट..