Please wait..
Take a fresh look at your lifestyle.

पंजाबमध्ये ‘आम आदमी’ ने जाहीर केला मुख्यमंत्रीपदाचा उमेदवार; पक्ष प्रमुख केजरीवाल यांनी केली घोषणा

दिल्ली : आम आदमी पार्टीने पंजाबमध्ये मुख्यमंत्रीपदाचा उमेदवार जाहीर केला आहे. पंजाबमध्ये भगवंत मान हे पक्षाचे मुख्यमंत्रीपदाचे उमेदवार असतील. दिल्लीचे मुख्यमंत्री अरविंद केजरीवाल यांनी ही घोषणा केली आहे. भगवंत मान यांच्या नावाची घोषणा करताना अरविंद केजरीवाल म्हणाले की, आम्ही पंजाबमधील जनतेच्या मतांच्या आधारे मुख्यमंत्रिपदाची निवड केली आहे.

Advertisement

ते म्हणाले, ‘मी माझ्या वतीने भगवंत मान यांना मुख्यमंत्रीपदाचे उमेदवार घोषित केले असते तर अरविंद केजरीवाल यांनी घराणेशाही केली असती, असे लोक म्हणाले असते. त्यामुळेच गेल्या आठवड्यात आम्ही एक फोन नंबर जारी केला होता, जेणेकरून पंजाबच्या तीन कोटी लोकांचे मत जाणून घेता येईल.

Advertisement

आपचे प्रमुख अरविंद केजरीवाल म्हणाले की, आम्ही जारी केलेल्या नंबरला 21 लाख 59 हजारांहून अधिक लोकांकडून प्रतिसाद मिळाला आहे. राज्यात आम आदमी पक्षाचे सरकार स्थापन होणार असल्याचे सर्व सर्वेक्षण आणि वातावरण सांगत आहे. अशा स्थितीत आता जो चेहरा मुख्यमंत्री घोषित होईल, तोच एक प्रकारे राज्याचा पुढचा मुख्यमंत्री असेल. अरविंद केजरीवाल म्हणाले की, अनेकांनी त्यांच्या प्रतिसादात माझे नाव टाकले. आम्ही ही मते नाकारली आहेत. यानंतर उर्वरित 93 टक्के लोकांनी भगवंत सिंह यांचे नाव घेतले आहे.

Loading...
Advertisement

इतकेच नाही तर केजरीवाल यांनी यावेळी काँग्रेसवरही जोरदार टीका केली. ते म्हणाले की, लोकांनी आम्हाला दिलेल्या कौलांपैकी केवळ 3 टक्के लोकांनी नवज्योतसिंग सिद्धू यांना मुख्यमंत्री म्हणून निवडून दिले आहे. पंजाबमध्ये मुख्यमंत्री चेहरा जाहीर करून काँग्रेसला बॅकफूटवर आणण्याचे काम आम आदमी पक्षाने केले आहे. किंबहुना, एका गटाला भविष्यात सीएम चन्नी यांना कायम ठेवायचे आहे, तर नवज्योतसिंग सिद्धूही त्यांच्या वतीने दावा करत आहेत. अशा परिस्थितीत निवडणुकीपूर्वी कोणताही वाद होऊ नये म्हणून काँग्रेसने आधिक सतर्क धोरण घेतले आहे. मात्र आता ‘आप’च्या वतीने मुख्यमंत्रिपदाची घोषणा केल्याने काँग्रेसवरील दबाव वाढण्याची शक्यता आहे.

Advertisement

Election 2022 : पंजाबचा मुख्यमंत्री कोण ? ; फोन करा आणि नाव सांगा; ‘आम आदमी’ ची भन्नाट आयडीया

Advertisement

पंजाब निवडणूक : आम आदमी पार्टी आज जाहीर करणार त्यांचा मुख्यमंत्री पदाचा चेहरा?

Advertisement
Advertisement

Leave a Reply