काम की बात : हिवाळ्यात ‘अशी’ घ्या मोटारसायकलची काळजी; खराब होण्याचे टेन्शनच गायब..

अहमदनगर : सध्या हिवाळ्याचे दिवस आहेत. तापमानात मोठी घट झाली आहे. या दिवसात आपल्याप्रमाणेच वाहनांची काळजी घ्यायलाही विसरू नका. उन्हाळ्याच्या तुलनेत हिवाळ्यात दुचाकी मोटारसायकल चालवणे थोडे कठीण असते. त्यामुळे, हिवाळ्यात बरेच लोक मोटारसायकल कमी वापरतात. हिवाळ्यात मोटरसायकलचीही काळजी घेणे आवश्यक आहे. हिवाळ्यात तुमच्या मोटारसायकलची काळजी घेण्यासाठी येथे काही टिप्स आहेत जेणेकरुन हिवाळ्याच्या दिवसात दुचाकी वाहनाची काळजी घेणे शक्य होईल.

मोटारसायकलला कव्हर आवश्यक आहे, विशेषत: बाहेर पार्किंग केलेली असेल तर कव्हर गरजेचेच आहे. तुम्ही दुकानात किंवा ऑनलाइन कुठेही चांगल्या दर्जाचे मोटरसायकल कव्हर खरेदी करू शकता.

आपण वाहनाची काळजी घेत असताना अनेकदा टायरकडे दुर्लक्ष करतो. पण टायर हे मोटरसायकलच्या पायांसारखे असतात हे विसरता कामा नये. हिवाळ्यात, कमी तापमानामुळे टायरचा दाब कमी होऊ शकतो. त्यामुळे जेव्हाही तुम्ही मोटारसायकल चालवता तेव्हा टायरचा दाब तपासला पाहिजे. आवश्यक असल्यास, तुम्ही टायर बदलू शकता.

हिवाळ्यात रेडिएटरमध्ये पाणी गोठू शकते आणि इंजिन सुरू होण्यास बराच वेळ लागू शकतो. अशा परिस्थितीत अँटी-फ्रीज उपयुक्त ठरू शकते. अँटी फ्रीज बाजारात सहज उपलब्ध आहेत. आधुनिक सीलबंद ड्राय बॅटरीला चार्जिंगशिवाय इतर कोणत्याही देखभालीची आवश्यकता नसते. जुन्या बॅटरींना काही अतिरिक्त काळजी आवश्यक असली तरी, आपण सावधगिरी बाळगणे आवश्यक आहे. तुम्ही नेहमी बॅटरी टर्मिनल स्वच्छ असल्याचे तपासावे. जुन्या ऑईलचा इंजिनवर परिणाम होऊ शकतो. त्यामुळे वेळोवेळी ऑईल बदलत राहा. यासाठी तुम्हाला काही पैसे लागतील, परंतु खराब इंजिनपेक्षा चांगले आणि कार्यक्षम इंजिन चांगलेच आहे.

वाव.. 2 रुपयांपेक्षाही कमी खर्चात चालणार 1 किलोमीटर; इंधन महागाईच्या काळात ‘या’ दुचाकी ठरतील बेस्ट