रोजगार संधी : DRDO मध्ये शिकाऊपदांसाठी भरती सुरू.. अर्जाची प्रक्रिया जाणून घ्या
मुंबई : डिफेन्स रिसर्च अँड डेव्हलपमेंट ऑर्गनायझेशन (DRDO) ने अप्रेंटिस पदासाठी भरतीसाठी अर्ज आमंत्रित केले आहेत. भरतीची संपूर्ण प्रक्रिया ऑनलाइन पद्धतीने केली जाईल. या भरतीसाठी अर्ज करू इच्छिणारे पात्र आणि इच्छुक उमेदवार DRDO च्या अधिकृत वेबसाइट drdo.gov.in वर भेट देऊ शकतात.
अर्जाची प्रक्रिया किती काळ चालेल : डिफेन्स रिसर्च अँड डेव्हलपमेंट ऑर्गनायझेशन (DRDO) मध्ये शिकाऊपदांसाठी भरती प्रक्रिया 20 डिसेंबर 2021 पर्यंत चालेल. यानंतर उमेदवारांना अर्ज करण्याची संधी दिली जाणार नाही. शेवटच्या क्षणी वेबसाईट ओव्हरलोड झाल्यामुळे अर्ज करण्यातही अडचण येऊ शकते. त्यामुळे उमेदवारांनी लवकरात लवकर अर्ज करावा.
पदांची संख्या आणि आवश्यक शैक्षणिक पात्रता किती असेल : DRDO द्वारे जाहीर केलेल्या शिकाऊ पदांसाठी एकूण 61 रिक्त पदांची भरती केली जाईल. ही भरती टर्मिनल बॅलिस्टिक्स रिसर्च लॅबोरेटरी अंतर्गत प्रसिद्ध करण्यात आली आहे. या भरतीसाठी अर्ज करणार्‍या उमेदवारांकडे ITI प्रमाणपत्रासह मान्यताप्राप्त बोर्डाची 10वी उत्तीर्ण गुणपत्रिका असावी.
निवड प्रक्रिया : पात्रता परीक्षेत मिळालेल्या गुणांच्या गुणवत्तेच्या आधारावर शिकाऊ पदांच्या भरतीसाठी उमेदवारांची निवड केली जाईल.
अर्जाची प्रक्रिया काय आहे : उमेदवार खाली दिलेल्या सोप्या मार्गदर्शक तत्त्वांचे पालन करून अर्ज करू शकतात.
उमेदवाराने प्रथम apprenticeshipindia.org या अधिकृत वेबसाइटला भेट द्यावी. सर्व आवश्यक कागदपत्रे आणि प्रमाणपत्रे अपलोड करा. तुमची सर्व आवश्यक कागदपत्रे, इयत्ता 10वीची गुणपत्रिका, ITI प्रमाणपत्र, जात प्रमाणपत्र (आवश्यक असल्यास) इत्यादी PDF म्हणून admintbrI@tbrl.drdo.in वर ईमेलद्वारे पाठवा.
उमेदवारांनी नोंद घ्यावी की शिकाऊ उमेदवार भरतीसाठी अर्ज करण्याची अंतिम तारीख 20 डिसेंबर 2021 पर्यंत आहे. त्यानंतर केलेला अर्ज फेटाळण्यात येईल.