Krunal Pandya Statement: जबाबदारी मिळाल्यावर कोणतीही व्यक्ती अधिक काळजीपूर्वक काम करू लागते. अशा स्थितीत अनेकवेळा चाहत्यांनाही या विधानाने आश्चर्याचा धक्का बसला आहे. आयपीएल (IPL-2023) मध्ये लखनऊ सुपर जायंट्स संघाचे कर्णधार असलेल्या कृणाल पांड्याने (Krunal Pandya) मोठे वक्तव्य केले आहे.
इंडियन प्रीमियर लीग (IPL) आता शेवटच्या टप्प्यावर आहे. या फेरीतील महत्त्वाच्या सामन्यांमध्ये लखनौ सुपर जायंट्सचे नेतृत्व करणाऱ्या कृणाल पंड्याने (Krunal Pandya) एक वक्तव्य केले आहे. कर्णधारपदाच्या बाबतीत मला सर्वांकडून शिकायचे आहे, पण कोणाचीही ‘कॉपी’ करत नाही, असे त्याने म्हटले आहे.
भारतीय T20 कर्णधार हार्दिक पंड्याचा (Hardik Pandya) मोठा भाऊ क्रुणाल याच्याकडे नियमित कर्णधार लोकेश राहुल (KL Rahul) दुखापत झाल्यानंतर लखनौ सुपर जायंट्सने संघाचे नेतृत्व करण्याची जबाबदारी सोपवली आहे.
कधीही कोणाची नक्कल करत नाही’
कृणालने मीडियाशी संवाद साधताना सांगितले की, ‘केएल (लोकेश राहुल) संघाबाहेर असणे खूप निराशाजनक होते. मी हे आव्हान स्वीकारले आणि ते पूर्ण करण्याचा प्रयत्न करत आहे. साहजिकच मी संघाचा उपकर्णधार होतो आणि माझ्यात (कर्णधारपदाच्या काळात) कोणताही बदल झालेला नाही. मी नेहमीच मला हवे तसे क्रिकेट खेळले आहे. मी त्याच पद्धतीने कर्णधारपद स्वीकारले आहे. मला कधीही कोणाची कॉपी करायची नाही. होय, मी प्रत्येकाकडून चांगल्या गोष्टी शिकण्याचा प्रयत्न करतो हे नक्की. मला माझ्या पद्धतीने गोष्टी करायच्या आहेत.
शनिवारी KKR विरोधात लढत
लखनौ सुपर जायंट्सला शनिवार, २० मे रोजी कोलकाता नाईट रायडर्सविरुद्ध लीग टप्प्यातील शेवटचा सामना खेळायचा आहे. प्लेऑफमध्ये क्रम बदलू नये यासाठी संघाला या सामन्यात विजयाची नोंद करावी लागणार आहे. क्रुणालने सांगितले की, मी माझ्या पद्धतीने काम केले तर संघासाठी चांगली कामगिरी करण्याची अधिक शक्यता आहे. मी कठोर परिश्रम केले आहेत आणि एका विशिष्ट पद्धतीने क्रिकेट खेळले आहे आणि तेच या संघाचे नेतृत्व करताना लागू होते.
