Kidney health : किडनीच्या आरोग्याकडे लक्ष देणे खूप गरजेचे आहे. जर किडनीचे आरोग्य बिघडले तर अनेक समस्यांचा सामना करावा लागतो. त्यामुळे किडनीची काळजी घ्यावी. काही लक्षणे किडनी कमकुवत झाली आहे, असे सांगतात.
जर मूत्रपिंडाने फिल्टरचे प्रमाण पूर्णपणे कमी केले तर काही काळाने शरीरात टाकाऊ पदार्थ जमा होतात, असे झाल्याने शरीरात हळूहळू विष भरते. किडनी स्वतः स्वच्छ करते, पण आजकाल खाण्याच्या सवयी अशा झाल्या आहेत की प्रत्येक गोष्टीत रसायन मिसळले जाते.
अशा स्थितीत हे रसायन बाहेर काढण्यासाठी किडनीवर जास्त प्रमाणात दबाव येत असतो. त्यामुळे किडनी लवकरच कमकुवत होते. अशा स्थितीत किडनी कमकुवत होण्यापूर्वी लक्षणे ओळखणे खूप गरजेचे आहे.
किडनी कसे काम करते?
किडनी हा शरीरातील एक अतिशय महत्त्वाचा अवयव असून त्याच्या मदतीने, शरीरातून कचरा आणि गलिच्छ पदार्थ काढून टाकले जातात. किडनी रक्तातील विषारी द्रव्ये फिल्टर करतात आणि लघवीद्वारे काढून टाकतात. इतकेच नाही तर टॉक्सिन्सच नाही तर शरीरातील इलेक्ट्रोलाइट्सचे संतुलनही राखते. रक्तदाब संतुलित करण्यास मदत होते आणि लाल रक्तपेशी निर्माण होत असतात.
दिसतात ही लक्षणे
- भूक न लागणे
- मळमळ आणि उलटी
- उच्च रक्तदाब
- थकवा आणि अशक्तपणा
- वारंवार किंवा खूप कमी लघवीमेंदूच्या फोकसची कमतरता
- स्नायू दुखणे
- सुजलेले पाय
- निद्रानाश समस्या
- कोरडी आणि खाज सुटलेली त्वचा
हे लक्षात घ्या की ही लक्षणे कधीकधी इतर रोगांमुळे देखील निर्माण होतात, कारण अशी लक्षणे मूत्रपिंडाच्या क्रॉनिक स्टेजमध्ये दिसून येतात.
अशी घ्या किडनीची काळजी
- सकस आणि संतुलित आहार घ्या. ज्यात फळे, भाज्या, संपूर्ण धान्य आणि प्रथिने भरपूर असतात. इतकेच नाही तर मीठ आणि साखरेवर नियंत्रण ठेवा.
- रक्तातील साखर आणि रक्तदाब नेहमी नियंत्रणात ठेवा.
- दिवसभरात ८-९ ग्लास पाणी प्या.
- धूम्रपान आणि अल्कोहोलपासून दूर रहा.
