Karnataka Election 2023: कर्नाटका विधानसभा साठी 10 मे रोजी मतदान पार पडणार आहे. यामुळे सध्या राज्यात काँग्रेस विरुद्ध भाजप यांच्यात राजकीय संघर्ष पाहायला मिळत आहे.
तर दुसरीकडे काँग्रेसची माजी अध्यक्ष सोनिया गांधी यांनी काँग्रेस उमेदवारचं प्रचार करत असताना त्यांच्या भाषणात ‘कर्नाटकचे सार्वभौमत्व’ हे शब्द वापरल्याबद्दल भाजपने आता आक्षेप घेतले आहे. याबाबत भाजप नेत्यांनी निवडणूक आयोगाला तक्रार पत्र सादर करून निवडणूक आयोगाकडे कठोर कारवाईची मागणी केली आहे.
काय होते सोनिया गांधींचे वक्तव्य?
गेल्या आठवड्यात शनिवारी हुबळी येथील निवडणूक रॅलीतील सोनिया गांधींच्या भाषणाचा संदर्भ देत, काँग्रेस पक्षाने एका ट्विटमध्ये म्हटले होते की, काँग्रेस संसदीय पक्षाच्या अध्यक्षांनी 6.5 कोटी लोकसंख्या असलेल्या कन्नड लोकांना कडक मेसेज दिला आहे.
पक्षाने तिचा फोटो देखील शेअर केला आहे, ज्यामध्ये ती सार्वजनिक सभेला संबोधित करताना दिसत आहे. काँग्रेसने सोनिया गांधींच्या विधानाचा संदर्भ देत ट्विट केले होते, ज्यात त्यांनी म्हटले होते – “काँग्रेस कोणालाही कर्नाटकच्या प्रतिष्ठेला, सार्वभौमत्वाला किंवा अखंडतेला धोका निर्माण करू देणार नाही.”
सोनिया गांधींच्या या वक्तव्याबाबत भारतीय जनता पक्षाने निवडणूक आयोगाकडे धाव घेतली आहे. तक्रार दाखल करणाऱ्या केंद्रीय मंत्री शोभा करंदलाजे यांनी हे विधान सर्व प्रकारे अस्वीकार्य असल्याचे म्हटले आहे. ते म्हणाले की, सोनिया गांधी यांनी आदर्श आचारसंहितेच्या तरतुदींचे उल्लंघन केले आहे. सोनिया गांधी यांच्यावर कठोर कारवाई करण्याची मागणी त्यांनी केली.
भाजप निवडणूक व्यवस्थापन समितीचे निमंत्रक करंदलाजे यांनीही निवडणूक आयोगाकडे काँग्रेसच्या ज्येष्ठ नेत्याविरोधात एफआयआर नोंदवून कारवाईचे निर्देश देण्याची मागणी केली. दुसरीकडे, केंद्रीय मंत्री भूपेंद्र यादव म्हणाले की, सोनिया गांधींनी सार्वभौमत्व हा शब्द जाणीवपूर्वक वापरला.
भूपेंद्र यादव म्हणाले – काँग्रेसचा जाहीरनामा हा एक प्रकारे तुकडे-तुकडे गॅंगचा अजेंडा आहे, त्यामुळेच ते असे शब्द वापरत आहेत. निवडणूक आयोगाने अशा देशद्रोहींवर कडक कारवाई करावी, अशी आमची मागणी आहे. आता भाजपची ही तक्रार निवडणूक आयोग किती गांभीर्याने घेते आणि काय कारवाई करते हे पाहावे लागेल.
