IPL 2023 : भारतीय संघाचे माजी कर्णधार सुनील गावस्कर (Sunil Gavaskar) यांना दिल्ली कॅपिटल्सने डेव्हिड वॉर्नरला (David Warner) कर्णधारपदावरून हटवायचे आहे. त्याचा भविष्यात भारतीय संघालाही फायदा होणार असल्याने अक्षर पटेलला दिल्लीचा कर्णधार बनवायला हवे, असे गावस्कर यांचे मत आहे.
स्टार स्पोर्ट्स क्रिकेट लाइव्हवर बोलताना सुनील गावस्कर म्हणाले, माझ्या मते अक्षर पटेलची दिल्ली कॅपिटल्सच्या कर्णधारपदी नियुक्ती झाली पाहिजे. तो एक प्रामाणिक खेळाडू आहे. तो सुस्थितीत आहे. कर्णधार बनून चांगली कामगिरी केल्यास भारतीय संघालाही फायदा होऊ शकतो. दूरदृष्टी ठेऊन त्यानुसार निर्णय घेण्याची गरज असल्याचे गावसकर म्हणाले.
अक्षर पटेल सध्या उत्कृष्ट फॉर्ममध्ये आहे. तो दिल्लीकडून सातत्याने चांगली कामगिरी करत आहे. आयपीएल 2023 च्या 34 व्या सामन्यात सोमवारी दिल्ली कॅपिटल्सने सनरायझर्स हैदराबादचा 7 धावांनी पराभव केला. या सामन्यात अक्षर पटेलने अष्टपैलू कामगिरी केली आणि तो सामनावीर ठरला.
अक्षर पटेल दिल्लीचा या मोसमात सर्वाधिक विकेट घेणारा दुसरा गोलंदाज आहे. त्याने सात सामन्यांत 6 विकेट घेतल्या आहेत. दिल्ली कॅपिटल्सचा सर्वाधिक धावा करणारा तो दुसऱ्या क्रमांकावर आहे. डावखुऱ्या फलंदाजाने सात सामन्यांत 182 धावा केल्या. हैदराबादविरुद्ध विजय नोंदवल्यानंतर अक्षर पटेल म्हणाला की, तो फलंदाजीपेक्षा गोलंदाजीचा आनंद घेत आहे.
तो म्हणाला, 34 चेंडूत 34 धावा केल्या तर दुसरीकडे 21 धावांत दोन बळी घेतले. त्यामुळे दोन विकेट महत्त्वाच्या आहेत. एका ओव्हरमध्ये तीन विकेट पडल्यावर मी कॉफी मागवली होती. दिल्ली कॅपिटल्सने सात सामन्यांमध्ये दोन विजय नोंदवले आहेत आणि आयपीएल 2023 च्या पॉइंट टेबलमध्ये संघ दहाव्या क्रमांकावर आहे. सनरायझर्स हैदराबादचा सात सामन्यांमधला हा पाचवा पराभव असून गुणतालिकेत हा संघ नवव्या क्रमांकावर आहे.
