IPL 2023 : पुन्हा एकदा महेंद्रसिंग धोनीच्या नेतृत्वाखाली चेन्नई सुपर किंग्जने आयपीएलचे विजेतेपद पटकावले. तुमच्या माहितीसाठी जाणुन घ्या आतापर्यंत चेन्नईने पाच वेळा आयपीएलचे विजेतेपद पटकावले.
आयपीएल 2023 च्या अंतिम सामन्यात, चेन्नई सुपर किंग्जला डकवर्थ-लुईस नियमानुसार 15 षटकांत विजयासाठी 171 धावांचे लक्ष्य मिळाले, जे त्यांनी शेवटच्या चेंडूवर पूर्ण केले.
अहमदाबादच्या नरेंद्र मोदी क्रिकेट स्टेडियमवर पावसाने व्यत्यय आणलेल्या अंतिम सामन्यात चेन्नईने गतविजेत्या गुजरात टायटन्सचा शेवटच्या चेंडूवर पराभव केला.
चेन्नई सुपर किंग्सला केवळ चमकदार ट्रॉफीच मिळाली नाही, तर संघाला विजेते म्हणून 20 कोटी रुपये बक्षीस म्हणून मिळाले. तर उपविजेत्या गुजराज टायटन्सला 12.5 कोटी रुपयांचे बक्षीस मिळाले. याशिवाय तिसऱ्या स्थानावर राहिलेल्या मुंबईला बक्षीस म्हणून 7 कोटी रुपये मिळाले. दुसरीकडे, चौथ्या स्थानावर असलेल्या लखनौ सुपर जायंट्सला बक्षीस म्हणून 6.5 कोटी रुपये मिळाले.
आयपीएलच्या पहिल्या सत्रात विजेत्याला 4.8 कोटी रुपये मिळाले होते. त्याच वेळी, उपविजेत्याच्या बॅगमध्ये 2.4 कोटी रुपये आले. तेव्हापासून बक्षिसाची रक्कम अनेक पटींनी वाढली आहे. मात्र, गेल्या काही वर्षांपासून बक्षिसाच्या रकमेत वाढ झालेली नाही. मात्र, पुढील वर्षी त्यात वाढ होऊ शकते
आयपीएल 2023 चे विजेतेपद जिंकणाऱ्या चेन्नई सुपर किंग्स आणि उपविजेत्या गुजरात टायटन्सवरच पैशांचा पाऊस पडला. पर्पल, ऑरेंज कॅप्स जिंकणाऱ्यांव्यतिरिक्त, हंगामातील सर्वात जास्त षटकार मारणाऱ्या इमर्जिंग प्लेयर वरही पैशांचा वर्षाव करण्यात आला.
कोणत्या श्रेणीत किती बक्षीस मिळाले?
- इमर्जिंग प्लेयर ऑफ द इयर – यशस्वी जैस्वाल – 10 लाख रु
- मोसमात सर्वाधिक विकेट्स (पर्पल कॅप) – मोहम्मद शमी – 28 विकेट्स (10 लाख रुपये)
- सर्वाधिक धावा (ऑरेंज कॅप) – शुभमन गिल – 890 धावा (10 लाख)
- मोसमातील सर्वाधिक षटकार – फाफ डुप्लेसी – 36 षटकार – 10 लाख रु.
- गेम चेंजर ऑफ द सीझन – शुभमन गिल – 10 लाख रु
- मोस्ट व्हॅल्युएबल प्लेयर – शुभमन गिल – 10 लाख रु
- मोसमातील सर्वात लांब सहा: फाफ डू प्लेसिस – 10 लाख रुपये
- कॅच ऑफ द सीझन – राशिद खान – 10 लाख रु
- पेटीएम फेअरप्ले पुरस्कार – दिल्ली कॅपिटल्स
- हंगामातील सर्वोत्तम खेळपट्टी आणि मैदान – वानखेडे स्टेडियम आणि ईडन गार्डन्स – 50 लाख रुपये
- सुपर स्ट्रायकर ऑफ द सीझन – ग्लेन मॅक्सवेल – 10 लाख रु
- मोसमात सर्वाधिक चौकार – शुभमन गिल (85) – 10 लाख रु
