मुंबई: सर्व फ्रँचायझींनी आयपीएल 2023 साठी तयारी सुरू केली आहे. संघांना त्यांच्या १५ खेळाडूंची यादी मंगळवार, १५ नोव्हेंबर रोजी सायंकाळी ५ वाजेपर्यंत बीसीसीआयकडे सादर करायची आहे. सीएसकेनेही आपल्या खेळाडूंची यादी तयार केली आहे. अष्टपैलू रवींद्र जडेजावर विश्वास व्यक्त करत चेन्नईने त्याला आयपीएल 2023 साठी कायम ठेवले आहे. CSK ने आपल्या ट्विटद्वारे याची पुष्टी केली आहे.
महेंद्रसिंग धोनीच्या देखरेखीखाली सीएसकेने पुढील हंगामासाठी आपला संघ तयार केला आहे. यासह सीएसके आणि जडेजा यांच्यातील वादही संपुष्टात आला आहे. जडेजा आणि फ्रँचायझी यांच्यातील नात्यात उबदारपणा आणण्यात धोनीचा मोठा वाटा असल्याचं सांगण्यात येत आहे.
सीएसके आणि जडेजा यांच्यातील मतभेदाच्या बातम्यांना पूर्णविराम देत चेन्नई सुपर किंग्जने ट्विट करून रवींद्र जडेजाला कायम ठेवल्याची पुष्टी केली आहे. यामध्ये रवींद्र जडेजा संघातील इतर खेळाडूंसह उपस्थित आहे. CSK ने ट्विट केले आणि लिहिले, “ये आणा, सुपर किंग्स!”. धोनी, जडेजा आणि CSK चे मालक यांच्यात दीर्घकाळ संभाषण झाल्याचेही मीडिया रिपोर्ट्समध्ये म्हटले आहे. भविष्यातील योजना पाहता या मोसमात त्याच्याकडे कर्णधारपदाची जबाबदारी देण्यात येणार आहे. धोनीची भूमिका केवळ मार्गदर्शनापुरतीच मर्यादित असेल.
रवींद्र जडेजाने का सोडले होते कर्णधारपद?
चेन्नई सुपर किंग्जने आतापर्यंत 4 वेळा आयपीएलचे जेतेपद पटकावले आहे. महेंद्रसिंग धोनीच्या नेतृत्वाखाली ही चार विजेतेपदे जिंकली आहेत. गेल्या वर्षी हंगाम सुरू होण्याच्या एक दिवस आधी धोनीने कर्णधारपद सोडण्याची घोषणा केली होती आणि रवींद्र जडेजाकडे जबाबदारी सोपवण्यात आली होती. मात्र, गेल्या मोसमात चेन्नईसाठी जडेजाचे कर्णधारपद खूपच खराब होते. संघाच्या खराब कामगिरीनंतर जडेजाने स्वतः कर्णधारपद सोडले.
गेल्या वर्षी सीएसकेने 14 पैकी फक्त 4 सामने जिंकले होते. यानंतर हा वाद इतका वाढला होता की जडेजा आता फ्रँचायझीसोबत परतणार नाही असे वाटत होते.
- हेही वाचा:
- ICC T20 World Cup 2022: इंग्लंड बनला टी 20 तील विश्वविजेता; पाकिस्तानशी केला जुना हिशोब चुकता
- ICC T20 World Cup 2022: ICC ने टी 20 विश्वचषक २०२२ मधील सर्वोत्तम संघ केला जाहीर; ‘या’ भारतीय खेळाडूंचाही यात समावेश
