iPhone 16 : आता लवकरच भारतीय बाजारात iPhone 16 सीरिज लाँच करणार आहे. आयफोनप्रेमी अनेक दिवसांपासून या सीरिजची आतुरतेने वाट पाहत होते. अशातच आता लवकरच सीरिज धुमाकूळ घालेल. विशेष म्हणजे या सीरिजमध्ये पहिल्यांदाच महत्त्वाचे बदल दिसणार आहेत.
वृत्तानुसार, आयफोनमध्ये येणारे कॅप्चर बटण यांत्रिक नसून ते दाब आणि स्पर्शाने वापरता येऊ शकते अशी शक्यता वर्तवली जात आहे. तसेच अहवालात असाही दावा केला आहे की आयफोन 16 वापरकर्ते बटणावर डावीकडे आणि उजवीकडे स्वाइप करून झूम इन आणि झूम आउट करण्यास सक्षम असतील.
नवीन वापरकर्ते आयफोनचे बटण हलके दाबून लक्ष केंद्रित करण्यास सक्षम असतील. इतकेच नाही तर रेकॉर्डिंग सक्रिय करण्यासाठी, वापरकर्त्यांना बटण अधिक दाबावे लागणार आहे. तसेच कंपनी iPhone 16 मॉडेलच्या उजव्या बाजूला एक कॅप्चर बटण स्थापित करण्याचा विचार करत आहे. नवीन बटण पॉवर बटणाच्या खाली असू शकते.
कॅमेरा
यावर्षी iPhone 16 Pro आणि Pro Max मध्ये 48-megapixel कॅमेरा दिला जाईल. कंपनी यामध्ये 12 मेगापिक्सलचा अल्ट्रावाइड कॅमेरा देईल. ॲक्शन बटणाव्यतिरिक्त, असे म्हटले जात आहे की यावेळी Apple कॅप्चर बटण देण्याची शक्यता आहे. कंपनीने आपल्या परंपरेचे पालन केल्यास नवीन आयफोन सप्टेंबरमध्ये लॉन्च करण्याची शक्यता आहे.
तर अफवांवर विश्वास ठेवायचा झाला तर iPhone 16 मध्ये 6.7-इंचाचा डिस्प्ले दिला जाऊ शकतो. शिवाय असे म्हटले जात आहे की iPhone 16 च्या कॅमेऱ्यातही बदल दिसून येतील.
एआय फीचर्सही मिळतील
या सीरिजची मोठ्या प्रमाणात विक्री होण्याची शक्यता आहे. यावेळी कंपनी आयफोन 16 सह भरपूर एआय फीचर्स पॅक करण्याची शक्यता आहे. WWDC मध्ये Siri संदर्भात मोठे बदल अपेक्षित असून या काळात Siri मध्ये अनेक जनरेटिव्ह AI आधारित फीचर्स दिली जाऊ शकतात.
