औरंगाबाद- मशिदींमधील लाऊडस्पीकरच्या मुद्द्यावरून महाराष्ट्र नवनिर्माण सेनेचे (MNS) अध्यक्ष राज ठाकरे (Raj Thackeray) यांच्या औरंगाबादेत (Aurangabad) रविवारी होणाऱ्या मेळाव्यापूर्वी, त्यांच्या पक्षाच्या नेत्यांनी भविष्यातील संभाव्य युतीसाठी भाजपशी कोणतीही चर्चा सुरू असल्याचे नाकारले आहे. दरम्यान, द इंडियन एक्स्प्रेसमधील वृत्तानुसार, औरंगाबादचे AIMIM खासदार इम्तियाज जलील (imtiyaz jaleel) यांनी राज ठाकरे यांना इफ्तार पार्टीसाठी निमंत्रित करून शहरात शांतता आणि सौहार्दाचा संदेश दिला.
आपल्या ‘तिच्या’ हातांची काळजी आहे ना..? मग https://bit.ly/34DPYzN यावर क्लिक करून पीजन चॉपर पहा अन आवडला तर भेट द्या किंवा खरेदी करा
पुण्यात रात्रभर मुक्काम केल्यानंतर महाराष्ट्र नवनिर्माण सेनेचे प्रमुख शनिवारी सकाळी औरंगाबादला रवाना होणार आहेत. 3 मे पर्यंत मशिदींमधून लाऊडस्पीकर हटवण्याच्या राज ठाकरेंनी दिलेल्या अल्टिमेटमच्या पार्श्वभूमीवर त्यांची रॅली होत आहे. मनसेच्या एका नेत्याने सांगितले की, पोलिसांनी रॅलीला परवानगी दिली आहे. मनसे नेते म्हणाले, सभेसाठी पोलिसांनी 15 अटी ठेवल्या आहेत’
महाराष्ट्रात भाजप-मनसे युतीची चर्चा
दरम्यान, राज ठाकरे यांचे निकटवर्तीय आणि मनसे नेते नितीन सरदेसाई म्हणाले, “राजकारणात काहीही होऊ शकते… परंतु आतापर्यंत युतीसाठी भाजपशी कोणतीही चर्चा झालेली नाही. ” एका टीव्ही वाहिनीशी संवाद साधताना त्यांनी ही माहिती दिली. मनसेचे आणखी एक प्रमुख नेते बाळा नांदगावकर म्हणाले की, “काही चर्चा सुरू आहे की नाही याची मला कल्पना नाही.”
माजी मुख्यमंत्री देवेंद्र फडणवीस म्हणाले, ‘मनसेसोबत युतीबाबत ना कोणतीही चर्चा झाली ना कोणताही औपचारिक प्रस्ताव नाही. केंद्रीय मंत्री रावसाहेब दानवे म्हणाले, ‘भाजप आणि मनसे’ त्यांच्यातील युतीचा निर्णय देशातील जनता घेईल. . राजकारण्यांच्या हातात काहीच नसते.”
तर दुसरीकडे मनसे अध्यक्ष राज ठाकरे यांच्या सभेला उत्तर देताना शिवसेनेचे प्रवक्ते संजय राऊत म्हणाले, “त्यांनी (राज ठाकरे) किती वेळा भूमिका बदलली, हा पीएचडीसाठी चांगला विषय आहे.
