Investment in Gold : आपल्या देशात गुंतवणुकीसाठी सोन्याला (Investment in Gold) खूप महत्त्व दिले जाते. देशातील मध्यमवर्ग सोन्यात गुंतवणूक करणे अत्यंत महत्त्वाचे मानतो. मात्र, त्यात गुंतवणूक करण्यासाठी मोठ्या भांडवलाची गरज आहे. याशिवाय, आपल्याला नेहमीच केवळ भौतिक सोन्याबद्दल सांगितले जाते. दागिने तयार करण्यासाठी किंवा जे सोने आपण आपल्याजवळ ठेऊ शकतो. परंतु आजच्या काळात सोन्यात गुंतवणुकीचे अनेक पर्याय आहेत, ज्यांचे मूल्य भौतिक सोन्यासारखे आहे आणि तुम्ही या पर्यायांमध्ये अगदी कमी भांडवलात गुंतवणूक करू शकता.
सॉवरेन गोल्ड बाँड
सॉवरेन गोल्ड बाँड रिजर्व्ह बँक ऑफ इंडियाद्वारे जारी केले जातात. त्यामुळे त्याच्या दर्जाबाबत शंका नाही. यासोबतच, गुंतवणूकदाराला सोन्याच्या वाढत्या किमतीचा फायदा तर मिळतोच, पण 2.5% वार्षिक परतावाही मिळतो. गुंतवणुकीच्या दृष्टिकोनातून सोन्यात गुंतवणूक करणे हा सर्वोत्तम पर्याय आहे.
डिजिटल गोल्ड
सध्या सोन्यात गुंतवणूक करण्याचा हा एक अतिशय लोकप्रिय मार्ग आहे. बहुतांश कंपन्या आणि पेमेंट अॅप्स यामध्ये गुंतवणूक करण्याची सुविधा देतात. तुम्ही तुमच्या मोबाईलवरूनच यामध्ये गुंतवणूक करू शकता. तसेच, भविष्यात तुम्हाला भौतिक सोन्याची आवश्यकता असल्यास, तुम्ही ते रिडीम देखील करू शकता.
गोल्ड ईटीएफ
गोल्ड एक्सचेंज ट्रेडेड फंड हा म्युच्युअल फंड योजनेचा एक प्रकार आहे. सोन्यात गुंतवणूक करणे हा सर्वात स्वस्त पर्याय आहे. तुम्ही ते डिमॅट खात्याद्वारे खरेदी करू शकता. मात्र, यासाठी तुम्हाला स्टॉक एक्सचेंजचीही मदत घ्यावी लागेल. अशा प्रकारे गुंतवणूक करताना तुम्ही सोन्याचे युनिट खरेदी करता. तथापि, तुम्हाला त्या बदल्यात सोने मिळत नाही, परंतु या युनिट्सची विक्री केल्यावर तुम्हाला समान रक्कम मिळते.
