राष्ट्रपतीपदाची निवडणूक : शरद पवारांचा नकार, आता उमेदवार कोण?; ‘या’ नावांवर होऊ शकतो विचार
नवी दिल्ली – राष्ट्रवादी काँग्रेसचे (NCP) अध्यक्ष शरद पवार (Sharad Pawar) यांनी राष्ट्रपतीपदाच्या निवडणुकीतील (President election) उमेदवारीबाबतची परिस्थिती जवळपास स्पष्ट केली आहे. आपण अध्यक्षपदासाठी विरोधी पक्षाचा चेहरा नसल्याचे त्यांनी सोमवारी झालेल्या बैठकीत सांगितले. या शर्यतीत पवार आघाडीवर असल्याचे मानले जात होते. त्याचवेळी अनेक लहान-मोठे राजकीय पक्ष त्यांच्या उमेदवारीला पाठिंबा देत असल्याच्या बातम्या अलीकडे आल्या होत्या.
सोमवारी पवार यांनी राष्ट्रवादीच्या मंत्रिमंडळ सदस्यांची बैठक घेतली. ते म्हणाले होते, ‘मी शर्यतीत नाही, मी राष्ट्रपतीपदाचा विरोधी उमेदवार असणार नाही.’ विशेष म्हणजे याच्या एक दिवसापूर्वी महाराष्ट्र काँग्रेसनेही पवारांच्या नावाने पाठिंबा दर्शवला होता. त्याचवेळी आम आदमी पक्षाचे नेते संजय सिंह यांनी रविवारी त्यांची भेट घेतली.
आपल्या ‘तिच्या’ हातांची काळजी आहे ना..? मग https://bit.ly/34DPYzN यावर क्लिक करून पीजन चॉपर पहा अन आवडला तर भेट द्या किंवा खरेदी करा
या नावांची चर्चा
पवारांनी नकार दिल्यास जम्मू-काश्मीरचे माजी मुख्यमंत्री फारुख अब्दुल्ला यांच्या नावाचा विचार केला जाऊ शकतो, असे सूत्रांकडून सांगण्यात येत आहे. याशिवाय माजी पंतप्रधान एचडी देवेगौडा आणि G-23 गटाचे नेते गुलाम नबी आझाद यांचेही नाव समोर येत आहे.
ममता बॅनर्जींच्या भेटीचे काय?
पश्चिम बंगालच्या मुख्यमंत्री ममता बॅनर्जी यांनी राष्ट्रपतीपदाच्या निवडणुकीसंदर्भात 15 जूनला बैठक बोलावली आहे. टाईम्स ऑफ इंडियाच्या वृत्तानुसार, एनसीपीच्या सूत्राने सांगितले की, “आवश्यक असल्यास, आम्ही बॅनर्जी यांच्या प्रयत्नांना बळ देऊ, जे भाजपच्या विरोधात मजबूत उमेदवार उभे करण्याचा प्रयत्न करीत आहेत.” भाजपसाठी रस्ता सोपा नसावा यासाठी त्यांना मोठ्या विरोधी पक्षांशी समन्वय साधायचा आहे.