आठवड्यात फक्त 4 दिवस काम, 3 दिवस सुट्टी; ‘या’ दिवशी लागु होणार नवा नियम

नवी दिल्ली – तुम्हीही नोकरी करत असाल तर ही बातमी वाचून तुम्हाला आनंद होईल. होय, केंद्र सरकार (Centre government) चार नवीन लेबर कोड लागू करण्याच्या तयारीत आहे. नवीन कामगार संहिता लागू झाल्यानंतर कार्यालयांमध्ये मोठे बदल पाहायला मिळतील. विशेष बाब म्हणजे नवीन कामगार संहिता लागू झाल्यानंतर कामाचे तास, घरपोच पगार आणि पीएफ सर्वकाही बदलणार आहे.

अद्याप कोणतीही अधिकृत घोषणा नाही
सरकार 1 जुलैपासून नवीन वेतन संहिता लागू करण्याचा विचार करत असल्याचा दावा मीडिया रिपोर्ट्समध्ये केला जात आहे. मात्र, याबाबत अद्याप कोणतीही अधिकृत घोषणा करण्यात आलेली नाही. नवीन वेतन संहिता लागू होण्यापूर्वी, कर्मचारी आणि कंपन्यांचे जास्तीत जास्त लक्ष कामाच्या तासांवर आहे. केंद्राच्या कामगार संहितेनुसार देशातील 23 राज्यांनी त्यांचे कामगार कायदे बनवले आहेत.

हे नियम बदलतील
कामगार संहितेशी संबंधित कायदा सरकारने संसदेत मंजूर केला आहे. माहिती देताना केंद्रीय कामगार मंत्री भूपेंद्र यादव म्हणाले होते की, लवकरच चार लेबर कोड लागू केले जातील. त्याच्या अंमलबजावणीनंतर, पगार, कार्यालयीन वेळेपासून पीएफ निवृत्तीपर्यंतच्या नियमांमध्ये बदल होईल. सरकारच्या अंदाजानुसार, देशात असंघटित क्षेत्रात सुमारे 38 कोटी कामगार आहेत. नवीन वेतन संहिता लागू झाल्यानंतर काय बदल होतील ते जाणून घेऊया?

कामाचे तास
नवीन वेतन संहितेत कमाल कामाचे तास 12 तासांपर्यंत वाढवण्याचा प्रस्ताव आहे. ते आठवड्यानुसार 4-3 च्या प्रमाणात विभागले जाते. म्हणजे 4 दिवस ऑफिस, 3 दिवस आठवडा सुट्टी. दर 5 तासांनी कर्मचाऱ्यांना 30 मिनिटांचा ब्रेक देण्याचा प्रस्ताव आहे.

30 मिनिटांपेक्षा जास्त कामावर ओव्हरटाइम
नवीन वेतन संहितेत 30 मिनिटे मोजून ओव्हरटाइममध्ये 15 ते 30 मिनिटांच्या अतिरिक्त कामाचा समावेश करण्याचा प्रस्ताव आहे. सध्या, 30 मिनिटांपेक्षा कमी वेळ ओव्हरटाईम मानला जात नाही.

पगार रचना बदलेल
नवीन वेतन संहिता कायद्यानुसार, कर्मचार्‍याचे मूळ वेतन कंपनीच्या (CTC) खर्चाच्या 50 टक्क्यांपेक्षा कमी असू शकत नाही. वेतन संहिता लागू झाल्यानंतर कर्मचाऱ्यांचा टेक होम पगार कमी होणार आहे.

आपल्या ‘तिच्या’ हातांची काळजी आहे ना..? मग https://bit.ly/34DPYzN यावर क्लिक करून पीजन चॉपर पहा अन आवडला तर भेट द्या किंवा खरेदी करा

निवृत्तीनंतर अधिक रक्कम मिळेल
पीएफमध्ये वाढ झाल्यामुळे ग्रॅच्युइटीमधील योगदानही वाढेल. म्हणजेच टेक होम सॅलरी कमी करण्याचा फायदा पीएफ आणि रिटायरमेंटवर मिळणार आहे. पगार आणि बोनसशी संबंधित नियम बदलतील.