कामाची बातमी! रेल्वेने घेतला मोठा निर्णय; लांबलचक रांगांपासून पासून होणार सुटका
दिल्ली – भारतीय रेल्वे (Indian Railway) प्रवाशांच्या सुरक्षिततेसाठी आणि सोयीसाठी नियमांमध्ये सातत्याने बदल करत असते. आता तिकीट बुकिंग दरम्यान लोकांना तासन्तास रांगेत उभे राहावे लागणार नाही आणि त्यांना कन्फर्म तिकीट मिळेल हे लक्षात घेऊन नवीन सुविधा सुरू करण्यात आली आहे.
या अंतर्गत, तुम्ही डिजिटल व्यवहारांद्वारे ऑटोमॅटिक तिकीट वेंडिंग मशीन (ATVM) द्वारे प्रदान केलेल्या सुविधांसाठी देखील पैसे देऊ शकाल. एवढेच नाही तर रेल्वेने आता 21 जोड्यांमध्ये कन्फर्म तिकीट देण्याचा निर्णय घेतला आहे. या गाड्यांमधून प्रवाशांना वाट पाहण्याच्या त्रासातूनही सुटका मिळणार आहे. सध्या ही यंत्रणा उत्तर पश्चिम रेल्वेने सुरू केली आहे.
उन्हाळ्याच्या सुट्या सुरू झाल्यामुळे लोक मोठ्या प्रमाणात रेल्वेने प्रवास करतात. अशा परिस्थितीत भारतीय रेल्वेच्या नव्या निर्णयामुळे अनेकांना त्याचा फायदा होणार आहे. वेटिंग तिकिटांच्या कन्फर्मेशनची आतुरतेने वाट पाहण्यापासून त्यांची सुटका होईल.
ही प्रणाली सध्या उत्तर पश्चिम रेल्वेने सुरू केली आहे, लवकरच ती इतर रेल्वे विभागातही लागू केली जाऊ शकते. लांबलचक प्रतीक्षा यादी पाहता रेल्वेने हा निर्णय घेतल्याचे उत्तर पश्चिम रेल्वेचे म्हणणे आहे.
या राज्यातील प्रवाशांना ही सुविधा मिळणार
मध्य प्रदेश, हरियाणा, दिल्ली, उत्तर प्रदेश, बिहार, पश्चिम बंगाल, महाराष्ट्र, आसाम, ओडिशा आणि राजस्थान या राज्यांमधील प्रवाशांना भारतीय रेल्वेने कन्फर्म तिकिटांसाठी सुरू केलेली विशेष सुविधा मिळणार आहे. खरे तर, उत्तर पश्चिम रेल्वेने 21 गाड्यांमध्ये कायमस्वरूपी डबे जोडण्याचा निर्णय घेतला आहे. यामध्ये थर्ड एसी व्यतिरिक्त सेकंड एसी आणि सेकंड क्लास चेअर कार कोचचा समावेश असेल.
आपल्या ‘तिच्या’ हातांची काळजी आहे ना..? मग https://bit.ly/34DPYzN यावर क्लिक करून पीजन चॉपर पहा अन आवडला तर भेट द्या किंवा खरेदी करा
या सुविधेचाही फायदा होणार आहे
भारतीय रेल्वेच्या ATVM द्वारे तिकीट बुक केल्याने तुम्हाला रांगेत उभे राहण्याच्या त्रासातूनही सुटका मिळेल. या सुविधेअंतर्गत, तुम्ही प्लॅटफॉर्म तिकीट आणि मासिक पास मिळविण्यासाठी डिजिटल मोडमध्ये पेमेंट करू शकता.
अनेक रेल्वे स्थानकांवर एटीव्हीएम आणि यूपीआय आणि क्यूआर कोडची व्यवस्था करण्यात आली आहे. याद्वारे एटीव्हीएम स्मार्ट कार्डही रिचार्ज करता येणार आहेत.
रेल्वेकडून ही सुविधा सुरू करताना प्रवाशांनी डिजिटल पद्धतीने जास्तीत जास्त पैसे भरून लांबलचक रांगांपासून सुटका करण्याचे आवाहन केले.