IMD Rainfall Alert: महाराष्ट्रासह देशातील अनेक भागात आता मुसळधार पावसाची सुरुवात झाली आहे. तर काही भागात पावसामुळे पूरसदृश परिस्थिती निर्माण झाली आहे. यातच आता भारतीय हवामान खात्याने देशातील काही राज्यांमध्ये पावसाबाबत अलर्ट जारी केला आहे.
20 जुलैपर्यंत अनेक राज्यांमध्ये धो धो पावसाचा इशारा हवामान विभागाने दिला आहे. मध्य महाराष्ट्र, तेलंगणा, कोस्टल कर्नाटक, अंतर्गत दक्षिण कर्नाटक अशा अनेक राज्यांमध्ये पावसाची शक्यता आहे.
हवामान खात्यानुसार, 18 जुलै रोजी सौराष्ट्र आणि कच्छ, गुजरात, उत्तराखंड आणि पूर्व राजस्थानमध्ये मुसळधार पाऊस पडेल. पावसामुळे तापमानात घट झाली आहे. मात्र, तरीही दमट उष्णतेमुळे नागरिकांचे प्रचंड हाल होत असल्याचे दिसून येत आहे.
8 राज्यांमध्ये पावसाचा इशारा
हवामान खात्याने दिलेल्या माहितीनुसार, छत्तीसगड, विदर्भ आणि ओडिशामध्ये 19 आणि 20 जुलै रोजी पावसाचा इशारा देण्यात आला आहे. याशिवाय आसाम आणि मेघालयमध्ये19-20 जुलै रोजी पाऊस पडू शकतो.
हवामान खात्यानुसार, येत्या चार-पाच दिवसांत पूर्व राजस्थानच्या अनेक भागात मान्सून सक्रिय राहण्याची शक्यता आहे, ज्यामध्ये कोटा आणि उदयपूर विभागात अतिवृष्टीचा इशारा देण्यात आला आहे.
याशिवाय, हवामान खात्याच्या म्हणण्यानुसार, 18 जुलै रोजी पावसाबाबत अलर्ट जारी करण्यात आला आहे. दरम्यान, पश्चिम राजस्थानच्या जोधपूर आणि बिकानेर विभागातील काही भागात येत्या काही दिवसांत पाऊस पडण्याची शक्यता आहे.
दिल्लीत हवामान कसे असेल?
देशाची राजधानी दिल्लीत रिमझिम पावसासह दमट उष्णतेची मालिका सुरूच आहे. हवामान खात्यानुसार, 17 आणि 18 जुलै रोजी दिल्लीत हलका पाऊस आणि रिमझिम पाऊस पडण्याची शक्यता आहे. IMD नुसार, या आठवड्यात दिल्लीचे कमाल तापमान 33 ते 36 अंश सेल्सिअस आणि किमान तापमान 25 ते 29 अंश सेल्सिअसच्या आसपास राहण्याचा अंदाज आहे.
