IMD Rain Alert: देशातील बहुतेक भागात मुसळधार पावसामुळे अनेकांचे नुकसान होत आहे. तर उत्तर भारतात पूरस्थिती निर्माण झाली आहे. तसेच ईशान्येकडील राज्यांमध्येही मान्सूनच्या पावसामुळे परिस्थिती बिकट होत आहे.
दक्षिण भारतातही पावसामुळे परिस्थिती नाजूक आहे. भारताची राजधानी दिल्ली आणि आजूबाजूच्या परिसरात मुसळधार पाऊस पडत आहे, त्यामुळे तापमानात लक्षणीय घट होत आहे. यातच आता भारतीय हवामान विभागाने (IMD) देशाच्या अनेक भागांत वादळी वाऱ्यासह मुसळधार पावसाचा इशारा दिला आहे.
आयएमडीच्या मते, येत्या 12 तासात मुसळधार पावसाची शक्यता आहे. 23 आणि 24 जुलै रोजी दिल्लीत मुसळधार पावसाचा इशारा देण्यात आला आहे. दक्षिण भारतातील तमिळनाडूमध्ये मुसळधार पावसाचा इशारा देण्यात आला आहे. तमिळनाडूत मुसळधार पावसामुळे निलगिरीच्या चार तालुक्यांमध्ये शाळांना सुट्टी जाहीर करण्यात आली आहे. यासोबतच तमिळनाडूतील उटी, कुन्नूर, कोटागिरी आणि कुंदा तालुक्यातही अतिवृष्टीचा इशारा देण्यात आला आहे. पश्चिम, मध्य, पूर्व आणि दक्षिण द्वीपकल्पातही मुसळधार पावसाची शक्यता आहे.
IMD नुसार, पुढील 5 दिवसांत गडगडाट आणि विजांच्या कडकडाटासह हलक्या ते मध्यम पावसाचा इशारा देण्यात आला आहे. 23 जुलै दरम्यान पश्चिम मध्य प्रदेश आणि गुजरातमध्ये अनेक ठिकाणी मुसळधार पावसाची शक्यता आहे. 23 जुलै रोजी छत्तीसगडमध्ये विजांच्या कडकडाटासह पाऊस पडण्याची शक्यता आहे.
24 जुलै दरम्यान विदर्भ, कोकण, गोवा आणि मध्य महाराष्ट्रात, 24 जुलै रोजी पश्चिम मध्य प्रदेशात मुसळधार पावसाची शक्यता आहे. 24 आणि 25 जुलै रोजी पूर्व मध्य प्रदेश, गुजरात राज्यात मुसळधार पावसाची शक्यता आहे.
23 तारखेला केरळ आणि माहे, 23 तारखेला गंगा मैदानात, 23 ते 25 तारखेला पश्चिम बंगाल आणि झारखंडमध्ये मुसळधार पावसाची शक्यता आहे. पश्चिम मध्य प्रदेश, कोकण आणि गोवा आणि मध्य महाराष्ट्रात मुसळधार पाऊस पडू शकतो. 23 रोजी विदर्भ आणि छत्तीसगडमध्ये मुसळधार पावसाची शक्यता आहे.
