IMD Alert : सध्या देशातील बहुतांश भागात मुसळधार पावसाने हाहाकार माजविला आहे.
यातच आज झालेल्या मुसळधार पावसामुळे पश्चिम युली आणि उत्तराखंडच्या अनेक भागात पाणी साचले आहे.दरम्यान भारतीय हवामान विभागाने देशातील अनेक भागात विजांचा कडकडाट आणि गडगडाटासह मुसळधार पावसाचा इशारा दिला आहे.
या भागांमध्ये जोरदार पाऊस पडेल
IMD नुसार भारतातील अनेक राज्यांमध्ये अतिवृष्टीचा इशारा देण्यात आला आहे. हिमाचल प्रदेशपासून राजस्थान, पंजाब, हरियाणापर्यंत विजांच्या कडकडाटासह मुसळधार पावसाचा इशारा देण्यात आला आहे. याशिवाय उत्तर प्रदेशला लागून असलेल्या मध्य प्रदेश आणि उत्तराखंडमध्येही जोरदार वाऱ्यासह मुसळधार पाऊस पडण्याची शक्यता आहे.
यासोबतच केरळ तामिळनाडू, गोवा, कर्नाटक आणि तेलंगणामध्येही मुसळधार पावसाची शक्यता वर्तवण्यात आली आहे. याशिवाय पश्चिम उत्तर प्रदेश आणि दिल्ली एनसीआरमध्ये मुसळधार पावसाची शक्यता आहे. हवामान खात्याने येथे विजा पडण्याचा इशाराही दिला आहे.
येथे जाणून घ्या हवामान कसे असेल
IMD नुसार सर्व भागात विजांच्या कडकडाटासह मुसळधार पावसाचा इशारा देण्यात आला आहे. यूपीच्या शेजारच्या उत्तराखंड राज्यातील उत्तरकाशी जिल्ह्यातील मस्तदी गाव पाण्याने बुडाले आहे जिथे आणखी पाऊस अपेक्षित आहे.
मध्य प्रदेशात मुसळधार पावसाची शक्यता लक्षात घेता मुसळधार पावसाचा इशारा देण्यात आला आहे. राज्यातील सुमारे 25 जिल्ह्यांमध्ये मुसळधार पावसाची शक्यता आहे.
