मुंबई: भारत आणि पाकिस्तान या संघांनी आयसीसी टी-२० विश्वचषकाच्या उपांत्य फेरीत धडक मारली तेव्हा अनेकांना या दोन संघांमधील अंतिम सामन्याचे स्वप्न पडले होते. पाकिस्तान अंतिम फेरीत पोहोचला पण भारतीय संघ दुसऱ्या उपांत्य फेरीत इंग्लंडकडून 10 विकेट्सने पराभूत झाला आणि अंतिम फेरीत जाऊ शकला नाही. भारताच्या या पराभवानंतर पाकिस्तानचे पंतप्रधान शाहबाज शरीफ यांनी एक ट्विट करून भारताला टोला लगावला होता. आता भारताचा माजी खेळाडू इरफान पठाणने पाकिस्तानच्या पंतप्रधानांना चोख प्रत्युत्तर दिले आहे.
भारताने इंग्लंडविरुद्ध 168 धावा केल्या होत्या. इंग्लंडने एकही विकेट न गमावता 170 धावा करून सामना जिंकला. यानंतर पाकिस्तानच्या पंतप्रधानांनी ट्विट केले होते, “तर या रविवारी, 152/0 विरुद्ध 170/0 असेल.” वास्तविक, गेल्या वर्षी खेळल्या गेलेल्या T20 विश्वचषकात पाकिस्तानने भारताचा 10 गडी राखून पराभव केला आणि त्याची धावसंख्या 152/0 होती. कोणत्याही विश्वचषकात पाकिस्तानचा भारतावरील हा पहिला विजय ठरला.
‘तुमच्या देशावर लक्ष केंद्रित करा’
शरीफ यांनी हे ट्विट 10 नोव्हेंबर रोजी केले होते, ज्या दिवशी भारताला पराभवाला सामोरे जावे लागले होते. यानंतर शनिवारी इरफान पठाण यांनी याला चोख उत्तर देत शरीफ यांनी आपला देश सुधारण्यावर भर द्यावा, असा सल्ला दिला. इरफानने लिहिले, “तुमच्या आणि आमच्यात हाच फरक आहे. आमच्या सुखात आम्ही सुखी आहोत आणि तुम्ही दुसऱ्यांच्या दुःखात सुखी आहात. त्यामुळेच स्वत:चा देश सुधारण्याकडे लक्ष नाही.
भारताच्या तोंडून विजय हिरावून घेतला
तसे पाहता या विश्वचषकात पाकिस्तानचा प्रवास खूपच नाट्यमय झाला आहे. उपांत्य फेरीत पोहोचणे ही मुख्यतः नशिबाची बाब होती. नेदरलँड्स संघाने दक्षिण आफ्रिकेला मोठे उलटफेर करत पराभूत केले होते आणि याचा फायदा पाकिस्तानला मिळाला. या कारणास्तव, या संघाने उपांत्य फेरी गाठली जिथे त्यांनी न्यूझीलंडचा 10 विकेट्सने पराभव केला.
याआधी भारताने पहिल्या सामन्यात पाकिस्तानच्या तोंडून विजय हिसकावून घेतला होता. पाकिस्तान विजयाच्या जवळ दिसत होता पण विराट कोहलीची बॅट अशी चालली होती की पाकिस्तानचा पराभव झाला होता. यानंतर झिम्बाब्वेनेही पाकिस्तानचा पराभव केला. या दोन पराभवांनंतर पाकिस्तानने दक्षिण आफ्रिका, नेदरलँड आणि बांगलादेशचा पराभव केला.
- हेही वाचा:
- ICC T20 World Cup 2022: पराभवावर ‘हा’ खेळाडू झाला भावूक; पहा काय केली भावनिक पोस्ट
- ICC T20 World Cup 2022: भारतीय संघावर अनेकजणांनी केले प्रश्न उपस्थित; म्हणाले हा संघ तर…
