मुंबई: भारत आणि इंग्लंड यांच्यातील टी-20 विश्वचषकाचा दुसरा उपांत्य सामना अॅडलेड ओव्हलवर खेळवला जात आहे. दोन्ही संघ स्टेडियमवर पोहोचले आहेत. अॅडलेडमध्ये आतापर्यंत एकूण 11 टी-20 आंतरराष्ट्रीय सामने खेळले गेले आहेत. येथे प्रथम फलंदाजी करणाऱ्या संघाने अधिक सामने जिंकले आहेत. त्याच वेळी, नंतर गोलंदाजी करणाऱ्या संघासाठी विजयाची टक्केवारी कमी आहे. भारताने सुपर 12 मध्ये 5 पैकी 4 सामने जिंकून आठ गुणांसह अंतिम चारमध्ये स्थान मिळवले आहे. टीम इंडियाला माजी कर्णधार विराट कोहली, सूर्यकुमार यादव, हार्दिक पांड्या आणि अर्शदीप सिंग यांच्याकडून खूप आशा आहेत. विराट आणि सूर्यकुमार सध्या उत्कृष्ट फॉर्ममध्ये आहेत तर कर्णधार रोहितही मोठी खेळी खेळण्याचा प्रयत्न करेल.
T20 विश्वचषक 2022 च्या दुसऱ्या उपांत्य फेरीच्या सामन्यात भारत आणि इंग्लंड संघ आमनेसामने आहेत. उभय संघांमधील हा रोमांचक सामना अॅडलेड ओव्हलवर भारतीय वेळेनुसार दुपारी 1.30 पासून खेळवला जाईल. या सामन्यात जो संघ विजयी होईल तो १३ नोव्हेंबरला पाकिस्तानविरुद्ध अंतिम सामना खेळेल.
भारत आणि इंग्लंड यांच्यात आतापर्यंत 22 टी-20 आंतरराष्ट्रीय सामने खेळले गेले आहेत. यादरम्यान इंग्लंडविरुद्ध भारतीय संघाचे पारडे जड होते. टीम इंडियाने इंग्लंडविरुद्ध 12 सामने जिंकले आहेत. दुसरीकडे इंग्लिश संघाने भारतीय संघाविरुद्ध 10 सामने जिंकले आहेत.
- हेही वाचा:
- ICC T20 World Cup 2022: अबबो! तब्बल इतक्या वर्षांनंतर विश्वचषकाच्या उपांत्य फेरीत भारत भिडणार इंग्लंडशी; पहा सामन्यांची सविस्तर आकडेवारी
- ICC T20 World Cup 2022: भारताने इंग्लंडला हरवले तर इतक्या वर्षांनी होईल पाकिस्तानशी लढत; पहा काय म्हणाली ‘ही’ भारताची स्टार खेळाडू
