मुंबई: इंग्लंडचा अष्टपैलू खेळाडू मोईन अली याला विश्वास आहे की, भारताचा ‘अद्भुत’ फलंदाज सूर्यकुमार यादवला या आठवड्यात होणाऱ्या T20 विश्वचषक उपांत्य फेरीत धावा करण्यापासून रोखण्यात त्याचे गोलंदाज यशस्वी होतील. मोईन अली म्हणाला, सुर्याकुमार उत्तम खेळ खेळत असला तरी इंग्लडचीही टीम अप्रतिम असून आम्ही भारताला टक्कर देण्यासाठी तयार आहोत. विराट कोहली पुन्हा ट्रॅकवर आला असताना, सूर्यकुमार यादवने रविवारी झिम्बाब्वेविरुद्धच्या अंतिम सुपर-12 विजयात अविश्वसनीय शॉटसह जबरदस्त पॉवर हिटिंग कामगिरी केली, ज्यानंतर उपांत्य फेरीतील भारताचा इंग्लंडसोबतचा सामना निश्चित झाला.
सेमीफायनलमध्ये भारताशी सामना करण्याबाबत बोलताना इंग्लंडचा उपकर्णधार मोईन अली म्हणाला की, अॅडलेड ओव्हलवर रोहित शर्माच्या नेतृत्वाखालील संघाचा सामना करण्याच्या संभाव्यतेबद्दल तो उत्साहित आहे. तो म्हणाला, ‘गर्दीच्या कारणामुळे जगात कोठेही भारतासोबत खेळणे ही मोठी गोष्ट आहे कारण तो क्रिकेटमधील इतका मोठा संघ आणि शक्ती आहे. मी भारताविरुद्ध खेळण्यासाठी खूप उत्सुक आहे.
गुरुवारची उपांत्य फेरीही अॅडलेड ओव्हलवर इंग्लंडचा स्पर्धेतील पहिला सामना असेल. याचा अर्थ त्याला विकेटच्या लांबलचक सीमारेषेसह झटपट जुळवून घ्यावे लागेल. भारताने यापूर्वी अॅडलेड ओव्हलवर सामना खेळला होता, ज्यामध्ये गेल्या आठवड्यात सुपर 12 सामन्यात बांगलादेशचा पाच धावांनी पराभव केला होता.
- हेही वाचा:
- ICC T20 World Cup 2022: भारतीय संघात बदल करण्याची जोरात चर्चा; पहा शास्त्रींनी काय केले सूतोवाच
- ICC T20 World Cup 2022: सेमीफायनलमध्ये भारताच्या ‘या’ कमकुवतपणाचा इंग्लंड घेऊ शकतो फायदा; पहा काय आहे हा कमकुवतपणा
