Home Loan Repayment : गृहकर्जाची परतफेड (Home Loan Repayment) करण्यापूर्वी काही गोष्टी लक्षात ठेवाव्यात. फ्लोटिंग व्याजदरांवर दिलेल्या गृहकर्जावर फोरक्लोजर फी आकारली जाऊ शकत नाही. कर्ज बंद केल्यानंतर तुम्हाला बँकेकडून एनओसी घेणे आवश्यक आहे. बँकेचे तुमचे काही देणे घेणे नाही याचा हा पुरावा आहे. लोक दरमहा त्यांच्या उत्पन्नाचा मोठा हिस्सा गृहकर्जावर (Home Loan) खर्च करतात. त्यामुळे लोक शक्य तितक्या लवकर गृहकर्ज बंद करू इच्छितात. गृहकर्ज बंद करताना लोकांनी काही गोष्टी लक्षात ठेवल्या पाहिजेत ज्याबद्दल आम्ही या लेखात सांगणार आहोत.
कर्ज बंद करण्याची फी
आरबीआयच्या नियमांनुसार फ्लोटिंग व्याजदरांवर दिलेल्या गृहकर्जावर फोरक्लोजर फी (Foreclosure Fee) आकारली जाऊ शकत नाही. जर कर्ज निश्चित व्याजदरावर असेल तर बँक तुमच्याकडून 4 ते 5 टक्के पर्यंत फोरक्लोजर फी आकारू शकते.
बँकेला कळवा
जर तुम्हाला कर्ज बंद करायचे असेल तर सर्वप्रथम बँकेला त्याबाबत माहिती देणे तुमच्यासाठी महत्त्वाचे आहे. यासाठी तुम्ही बँकेला ईमेलद्वारे किंवा लेखी कळवू शकता.
एनओसी
कर्ज बंद केल्यानंतर तुम्हाला बँकेकडून एनओसी घेणे आवश्यक आहे. बँकेचे तुमचे काही देणे घेणे नाही याचा हा पुरावा आहे. ही मालमत्ता विकल्यास बँकेला हरकत नाही.
मूळ कागदपत्रे जरूर घ्या
कर्ज पूर्ण झाल्यानंतर तुम्ही बँकेकडून कर्ज घेताना सादर केलेली सर्व मूळ कागदपत्रे बँकेकडून घ्यावीत. बँकेकडून मूळ कागदपत्रे घेताना तुमची सर्व कागदपत्रे पूर्ण असल्याची खात्री करा. याशिवाय गृहकर्जाची परतफेड केल्यानंतर जर तुमच्याकडे बँकेत जमा केलेला पोस्ट डेट चेक असेल तर तो काढावा.
