Home Loan : अनेकजण गृहकर्ज घेतात. जर तुम्ही गृहकर्ज घेत असाल तर तुम्हाला काही ठेवणे गरजेचे आहे. नाहीतर तुम्हाला आर्थिक फटका बसू शकतो. इतकेच नाही तर आता तुम्ही गृहकर्जावरील EMI कमी करू शकता.
कर्जाचा व्याज घटक तुमचा आर्थिक भार आणखी वाढवेल. समजा तुमच्याकडे ठोस योजना असल्यास कर्ज परतफेडीमध्ये फारशी अडचण येणार नाही. तुम्हाला हवे असेल तर तुम्ही गृहकर्जाचा EMI कमी करू शकता. म्हणजेच व्याज म्हणून द्यावी लागणारी रक्कम कमी करता येईल.
असे कमी करा गृहकर्जाचे व्याज
गृहकर्जावरील व्याजाचे पेमेंट कमी करायचे असेल तर तुम्ही कर्जाची रक्कम अगोदर भरण्याचा विचार करणे गरजेचे आहे. प्री-पेमेंट रक्कम मूळ रक्कम कमी करून व्याज कमी करते. पण हे करण्यापूर्वी खात्री करा की तुमची बँक किंवा गृहकर्ज पुरवठादार प्रीपेमेंटसाठी कोणताही दंड किंवा शुल्क आकारत नाही, विशेषत: व्याज दर निश्चित असेल तर. फ्लोटिंग रेटच्या बाबतीत, प्री-क्लोजर शुल्क आकारण्यात येत नाही.
दीर्घ मुदतीचे कर्ज निवडणे टाळा
दीर्घकालीन गृहकर्जासाठी बँकांकडून आकारले जाणारे व्याजदर जास्त असून समजा तुमची आर्थिक परिस्थिती परवानगी देत असल्यास शॉर्ट टर्म होम लोन निवडावे. असे केल्याने कमी व्याजदरासह परतफेडीची प्रक्रिया वेगवान होईल.
हप्ता वाढवा
तुम्ही तुमचा EMI दरवर्षी ५ टक्क्यांनी वाढवू शकता किंवा तुम्ही एका वर्षात एकापेक्षा जास्त EMI भरण्याचा विचार करू शकता. असे केल्याने तुम्हाला भरावे लागणारे व्याज खूप कमी होईल.
हे करण्यापूर्वी तुम्ही एका गोष्टीचा विचार करावा, म्हणजे आर्थिक गरजांचा अंदाज लावणे, त्यानंतर गृहकर्ज EMI, पगार वाढ किंवा वार्षिक बोनसच्या बाबतीत तुम्ही किती अतिरिक्त हप्ता घेऊ शकता याची गणना करा. जरी रक्कम लहान असली तरी त्याचा तुमच्या कर्जाच्या कालावधीवर मोठा परिणाम होऊ शकतो.
कमी व्याजदर
गृहकर्जाच्या व्याजदरांवर लक्ष ठेवा. हे तुम्हाला पुनर्वित्त किंवा गृह कर्ज शिल्लक हस्तांतरण निवडण्यात मदत करेल. असे केले तर व्याजाचा बोजा कमी होतो. या प्रक्रियेमध्ये जुन्या बँकेतून नवीन बँकेत कमी दराने थकबाकीची मूळ रक्कम हस्तांतरित करणे गरजेचे आहे. व्याजावर बचत करण्याचा आणि इतर आर्थिक जबाबदाऱ्या सांभाळण्यासाठी तुमची बचत वापरण्याचा हा एक सोपा आणि प्रभावी मार्ग आहे.
डाउन पेमेंट
जेव्हा तुम्ही घर खरेदी करता, तेव्हा तुम्हाला एकूण खरेदी किमतीच्या 20 टक्के डाउन पेमेंट करावे. जर तुम्ही गृहकर्ज घेत असाल तर निश्चितपणे जास्तीत जास्त रक्कम डाउन पेमेंट म्हणून करण्याचा प्रयत्न करा. यामुळे कर्जाची रक्कम कमी होऊ शकते, असे केले तर तुम्हाला कमी व्याजदर मिळू शकतो. हे शेवटी तुमच्या गृहकर्जाची जलद परतफेड सुलभ करेल.
