Himachal Pradesh Elections : नवी दिल्ली : हिमाचल प्रदेशमध्ये (Himachal Pradesh Elections) भारतीय जनता पक्ष (BJP) बंडखोरांशी लढताना दिसत आहे. पक्षाचे राष्ट्रीय अध्यक्ष जगत प्रकाश नड्डा (JP Nadda) यांचा गृह जिल्हा असलेल्या बिलासपूरमध्ये परिस्थिती सामान्य नाही. त्यांच्या प्रयत्नानंतरही अनेक बंडखोर शांत होण्यास तयार नसल्याचे वृत्त आहे. विशेष म्हणजे तिकीट न मिळाल्याने निवडणुकीच्या रिंगणात उतरलेल्या नेत्यांमध्ये नड्डा यांच्या काही निष्ठावंतांचाही समावेश आहे. राज्यात 12 नोव्हेंबरला मतदान होणार आहे.
बिलासपूर जिल्ह्यात चार विधानसभा मतदारसंघ आहेत. सध्या तीन भाजप आणि एक जागा काँग्रेसच्या (Congress) खात्यात आहे. गेल्या निवडणुकीत भाजपने बिलासपूर सदर आणि आणख एक अशा दोन जागा जिंकल्या होत्या, परंतु यावेळी पक्षाचे बंडखोर नेते दोन्ही जागांवर निवडणूक लढवित आहेत. याशिवाय घुमरविनची जागाही पक्षाच्या खात्यात आली.
सुभाष शर्मा यांचेही नाव भाजप बंडखोरांमध्ये आहे. शर्मा अपक्ष म्हणून निवडणूक लढत आहेत. पक्षाने मुख्यमंत्री जयराम ठाकूर (CM Jayram Thakur) यांचे राजकीय सल्लागार त्रिलोक जामवाल यांच्यावर विश्वास दाखवला आहे. त्याचवेळी भाजपने बिलासपूर सदरमधून विद्यमान आमदार सुभाष ठाकूर यांचे तिकीटही कापले आहे. हे तिन्ही नेते नड्डा यांच्या जवळचे मानले जातात.
बिलासपूर जिल्ह्यात बंडखोरी करणाऱ्या भाजप नेत्याचे नाव राजकुमार कौंडल आहे. ते अपक्ष उमेदवार आहेत. त्यांचा मुलगा उत्कर्ष सांगतो की भाजप नेत्यांनी त्यांना उमेदवारी मागे घेण्यास सांगितले होते, परंतु त्यांच्या समर्थकांनी वडिलांना निवडणूक लढण्यास भाग पाडले. पक्षाने येथील विद्यमान आमदार जीतराम काटवाल यांना तिकीट दिले आहे.
भाजपने श्रीनैना देवीजी मतदारसंघातून रणधीर शर्मा यांना उमेदवारी दिली आहे. विशेष म्हणजे पक्षाने माजी कामगार संघटना नेते शंकर ठाकूर, कुलदीप ठाकूर आणि दौलत राम शर्मा यांच्याऐवजी शर्मा यांच्यावर विश्वास व्यक्त केला आहे. मात्र, गेल्या निवडणुकीत त्यांना काँग्रेसच्या रामलाल ठाकूर यांच्याकडून पराभव स्वीकारावा लागला होता. ठाकूरही यावेळी काँग्रेसकडून रिंगणात आहेत.
भाजप बिलासपूर मंडल अध्यक्ष हंसराज ठाकूर यांचे म्हणणे आहे की, नड्डा यांच्यासह पक्षाने सुभाष शर्मा यांची समजूत काढण्याचा खूप प्रयत्न केला, पण अपयश आले. शर्मा गेल्या चार वर्षांत बिलासपूर सदरपर्यंत पोहोचले नसल्याचेही त्यांनी सांगितले. इथे तर बिलासपूर जिल्ह्यात काँग्रेसमध्येही सर्व काही ठीक नाही. बिलासपूर सदरचे माजी आमदार टिळक राज हे इच्छुक होते. मात्र, नंतर त्यांनी माघार घेतली आणि बंबर ठाकूर निवडणुकीच्या रिंगणात उतरले. ठाकूर हे काँग्रेसचे दिग्गज नेते वीरभद्र सिंह यांचे निष्ठावंत मानले जात होते, परंतु 2017 मध्ये त्यांनी ही जागा गमावली. येथे माजी आमदार बिरू राम किशोर यांनी आपला उमेदवारी अर्ज मागे घेतला आहे.
- हे वाचा : BJP Mission 2024 : ‘या’ राज्यात भाजप करणार मोठा उलटफेर.. ‘येथे’ सुरू होणार मिशन 2024
- Himachal Pradesh Polls : पंजाबचा ‘तो’ प्लान हिमाचल प्रदेशात; पहा, काय आहे केजरीवालांचे राजकारण ?
- Himachal Elections : काँग्रेसची ‘ती’ जुनी सवय अजूनही कायम; पहा, तिकीट वाटपात काय केले काम..
- BJP: निवडणुकीआधी भाजपने केले ‘हे’ मोठे काम; पहा, कोणाला पाठविले घरी..
